ۋەلس حانزاداسى گازاداعى اتىستى توقتاتۋعا شاقىرعانى ءۇشىن ايىپتالدى
استانا. KAZINFORM - ۋەلس حانزاداسى ۋيليام گازا سەكتورىنداعى سوعىس قيمىلدارىن تەزىرەك توقتاتۋعا شاقىردى. ونىڭ ءسوزى ۇلى بريتانيادا ۇلكەن داۋ تۋدىردى، ويتكەنى كەيبىرەۋلەر تاق مۇراگەرىنىڭ الەمدىك كۇن تارتىبىندەگى ەڭ كۇردەلى ساياسي ماسەلەگە تىكەلەي ارالاسۋى زاڭسىز دەپ سانايدى، دەپ جازادى BBC.
حانزادا لوندونداعى بريتاندىق قىزىل كرەستتىڭ شتاب- پاتەرىنە مالىمدەمە جاسادى.
«تىم كوپ ادام ءولتىرىلدى. كەيدە بەيبىتشىلىكتىڭ ماڭىزىن ادامزات وراسان قاسىرەتكە تاپ بولعان كەزدە عانا تۇسىنەمىز. ءبىز ۇمىتسىزدىككە جول بەرمەۋىمىز كەرەك. جارقىن بولاشاقتان ءالى دە ءۇمىتىمدى ۇزبەيمىن جانە باس تارتا المايمىن»، - دەدى حانزادا.
ۋەلس حانزاداسى گازاداعى قىزىل كرەست قىزمەتكەرلەرىمەن بەينە قوڭىراۋعا دا قاتىستى. ۇلى بريتانيا ۇكىمەتى حانزادا ۋيليامنىڭ سوزدەرىن رەسمي تۇردە ماقۇلدادى، ويتكەنى ولار لوندوننىڭ گازاداعى سوعىسقا قاتىستى ۇستانىمىمەن تولىق سايكەس كەلەدى.
بريتاندىق Guardian گازەتى ءتىپتى تاق مۇراگەرى ءوز مالىمدەمەسىن قازىر يزرايل بيلىگىنە بارىنشا قىسىم كورسەتۋگە تىرىسىپ جاتقان ۇكىمەتپەن كەلىسە وتىرىپ جاساۋى مۇمكىن دەپ بولجايدى. الايدا ونىڭ ماڭىزدى ساياسي ماسەلەگە قاتىستى پىكىرىن ءبىلدىرۋى مونارحيانى جاقتاۋشىلار مەن قارسىلاستاردىڭ قارسىلىعىن تۋدىردى.
بريتاندىق قولدانىستاعى زاڭناماعا سايكەس، كورولدىك وتباسىنىڭ اعا مۇشەلەرىنە ساياسي دەپ ەسەپتەلۋى مۇمكىن مالىمدەمە جاساۋعا رۇقسات ەتىلمەيدى.
ۇلىبريتانيا سياقتى ەجەلگى پارلامەنتتىك ءداستۇرى بار ەلدە ەركىن قوعامنىڭ نەگىزگى قۇقىعىنان ايىرىلعان كورولدىك وتباسى بارلىق ارتىقشىلىققا يە. لوندون ۋنيۆەرسيتەتتىك كوللەدجىنىڭ كونستيتۋتسيالىق زاڭگەرىنىڭ ايتۋىنشا، «كورولدىك وتباسى مۇشەلەرىنىڭ ءسوز بوستاندىعىنا قۇقىعى جوق جانە ولار ونى مويىندايدى.
اۆتور
ەركەجان سماعۇلوۆا
