نۇر-سۇلتانداعى LRT قۇرىلىسى: قىلمىستىق ءىس سوتقا بەرىلدى
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بيگايداروۆ بريفينگتە مالىمدەدى.
«سىبايلاس جەمقورلىققا قارسى قىزمەت جەڭىل رەلستى كولىك جوباسىن ىسكە اسىرۋ كەزىندە 5,8 ميلليارد تەڭگەنى جىمقىرۋ دەرەگى بويىنشا نۇر-سۇلتان قالاسى اكىمدىگىنىڭ، «استانا LRT» ج ش س جانە باسقالاردىڭ لاۋازىمدى ادامدارىنا قاتىستى قىلمىستىق ءىستى اياقتاپ، سوتقا جولدادى»، - دەدى ول.
اقپارات بويىنشا، سوتقا 7 ادام بەرىلدى. قانات سۇلتانبەكوۆ جانە تالعات اردان «كۇزەتپەن ۇستاۋ» بۇلتارتپاۋ شاراسىمەن حالىقارالىق ىزدەۋدە.
ءار ايىپتالۋشىنىڭ كىنالىلىك دارەجەسى تۋرالى تۇپكىلىكتى شەشىمدى سوت شىعارادى.
ق ر ق پ ك 201-بابىنىڭ تارتىبىمەن جانە تەرگەۋ مۇددەسىنە سايكەس وزگە اقپارات جاريالاۋعا جاتپايدى.
