LRT قۇرىلىسىنا العاشقى رەلس توسەلدى
استانا. قازاقپارات - LRT تاجىريبەلىك بولىگىندە جارتى شاقىرىم رەلس توسەلدى. بۇل تۋرالى CTS كومپانياسى حابارلادى.
- № 116 جانە № 117 ستانسيالار اراسىنداعى ەستاكادا بولىگىندە رەلس جولىنىڭ العاشقى 500 م توسەۋ اياقتالدى. بۇل سىناق كەزەڭى قىسقى اۋا-رايىنىڭ LRT جوعارعى قۇرىلىمىنىڭ جاي-كۇيىنە اسەرىن زەرتتەۋگە مۇمكىندىك بەرەدى. رەلس جولى ارماتۋرالىق جاقتاۋ، شپالدار، رەلستەر جانە بەكىتكىشتەردەن تۇرادى. ەستاكادانىڭ جالپى ۇزىندىعى 22,4 ك م قۇرايدى جانە ونىڭ بۇكىل ۇزىندىعىنا قوس جول سالىنادى. بۇل پويىزداردىڭ ءجۇرۋىن، ولارعا قىزمەت كورسەتۋدىڭ جانە جوندەۋ جۇمىستارىن ورىنداۋدىڭ ىڭعايلىلىعىن قامتاماسىز ەتەدى - دەلىنگەن كومپانيا حابارلاماسىندا.
جولدى توسەۋ زاماناۋي تەحنولوگيالاردى قولدانۋ ارقىلى جۇزەگە اسىرىلادى.
كومپاننىڭ مالىمەتىنە قاراعاندا ستاندارتتى جول ەنى - 1435 م م، حالىقارالىق ستاندارتتارمەن ۇيلەسىمدىلىكتى قامتاماسىز ەتەدى.
سونىمەن قاتار رەلستەردى جىكسىز توسەۋ پويىز دوڭگەلەكتەرىنىڭ دىبىسى مەن ءدىرىلدى ازايتادى. الدىن الا كەرنەلگەن شپالدار جارىلىپ كەتۋدەن قورعالعان، ايازعا جانە قاردىڭ ەرۋىنە ءتوزىمدى. جىلى كەزەڭىنىڭ باستالۋىمەن ەستاكادانىڭ بارلىق ۇزىندىعىنا رەلستەردى توسەۋ باستالادى.
ەستاكادا رەلس جولدارىن توسەۋدى اياقتاۋ 2025 -جىلعا جوسپارلانعان.
ەسكە سالساق، LRT ستانسيالارىنداعى نەگىزگى قۇرىلىس جۇمىستارى اياقتالعانى تۋرالى حابارلاندى.
