لۋۆر مۋزەيىنە قويىلاتىن ۇلتتىق پاۆيلوننىڭ جوباسى ازىرلەندى - مادەنيەت كوميتەتى

بۇل تۋرالى ق ر مادەنيەت جانە اقپارات مينيسترلىگى مادەنيەت كوميتەتىنىڭ ءتوراعاسى كۇمىس سەيىتوۆا ءمالىم ەتتى، دەپ حابارلايدى Kazinform.

«جاھاندىق مادەنيەتتەر الماسۋى مۋزەي سالاسى قىزمەتكەرلەرىنە ۇلكەن جاۋاپكەرشىلىك ارتىپ، ولاردان كاسىبي بىلىكتىلىگىن جان- جاقتى ارتتىرۋدى تالاپ ەتىپ وتىر. زاماناۋي مۋزەي تاريح پەن مادەنيەت ارقىلى قوعامدىق سانانى جاڭعىرتىپ، تۋريستەر الەۋەتىن تارتۋدى، كونە جادىگەرلەردى قوردا ساقتاۋمەن عانا شەكتەلمەي ءىرى عىلىمي ورتالىق رەتىندە جۇمىس جاساۋ تالاپتارىن قويىپ وتىر. وسىعان وراي بۇگىندە مينيسترلىك مەملەكەت باسشىسىنىڭ تاپسىرماسىنا سايكەس 2026 -جىلى فرانسياداعى الەمگە ايگىلى لۋۆر مۋزەيىندە قازاقستاننىڭ ۇلتتىق كورمەسىن ۇيىمداستىرۋ جۇمىستارىنا دايىندىقتى باستاپ كەتتى»، - دەدى كۇمىس سەيىتوۆا ەلوردادا مۋزەي قىزمەتكەرلەرىنىڭ I كونگرەسىندە.

ونىڭ مالىمدەۋىنشە، اتالعان حالىقارالىق كورمەگە دايىندىق اياسىندا 2026 -جىلى قازاقستاننىڭ ۇلتتىق كورمەسىن وتكىزۋ جونىندە الدىن- الا ۋاعدالاستىققا قول جەتكىزىلدى.

«لۋۆر مۋزەيىندە قويىلاتىن قازاقستاننىڭ ۇلتتىق پاۆيلونىنىڭ تۇجىرىمداما جوباسى ازىرلەندى»، - دەدى كوميتەت باسشىسى.

ودان بولەك، بۇگىندە مينيسترلىك قازاقستاننىڭ ماتەريالدىق ەمەس مادەني مۇرالارىنىڭ ۇلتتىق ءتىزىلىمىن جاڭارتىپ جاتىر.

«بۇگىندە ۇلتتىق تىزىلىمگە قازاق حالقىنىڭ ناۋرىز مەيرامى، اسىق ويىنى، توعىزقۇمالاق، دومبىرا اسپابىندا ويناۋ، بەتاشار، ورتەكە ۇلتتىق ءبيى تاعى باسقا بارلىعى 47 ۇلتتىق قۇندىلىقتار ەنگىزىلەدى»، - دەپ تولىقتىردى ك. سەيىتوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى