ەلنۇر بەيسەنبايەۆ شەرزات ءىسى تۋرالى: ءى ءى م ءتيىمسىز پوزيتسيا ۇستانىپ وتىر

- قۇقىق قورعاۋ ورگاندارى ناقتى اقپاراتتى دەر كەزىندە زاڭمەن بەلگىلەنگەن مولشەردە بەرىپ وتىرۋ كەرەك. سوندا بىزدە كىمنىڭ كىنالى، كىمنىڭ كىناسىز ەكەنى تۋرالى ناقتى اقپارات بولادى. ال بىزدە ىشكى ىستەر مينيسترلىگى وسىنداي رەزونانستى جاعدايدان كەيىن ۋ- شۋدى باسۋ ءۇشىن تاعى ءبىر اقپاراتتاردى، ۆيدەولاردى ءبولىسىپ جاتادى. مەنىڭ ويىمشا، بۇل - ءالسىز پوزيتسيا. وسىنى ۇيرەنۋ كەرەك. قازىر بۇكىل الەمدە سولاي. ەۋروپانىڭ دامىعان مەملەكەتتەرىندە رەزونانستى ىستەر بويىنشا الدىن الا تەرگەۋ امالدارىندا ايتۋعا رۇقسات دۇنيەلەردى رەگلامەنتتەپ، ءاستىن- ءاستىن بەرىپ وتىرادى. بىزدە وسىنداي تەتىكتىڭ جوقتىعىنان قوعامدا ءتۇرلى وي تۋدىراتىن ازاماتتاردىڭ پىكىرىنە ارالاسىپ كەتىپ جاتامىز، - دەدى دەپۋتات جۋرناليستەردىڭ سۇراعىنا بەرگەن جاۋابىندا.

سونداي- اق ول شەرزات ءىسىن قۇزىرلى ورگانداردىڭ قاتىسۋىمەن پارلامەنتتە قاراۋ كەرەك دەگەن سارىنداعى ۇسىنىستارعا پىكىر ءبىلدىردى.

- بۇل رەزونانستى ءىس بولىپ تۇر عوي. قازىر تەرگەۋ امالدارى ءبىر رەتكە كەلۋى كەرەك. مۇنداي دۇنيەنىڭ پارلامەنتتە تالقىلانۋى سوت پروتسەسىنە، تەرگەۋ امالدارىنا تىكەلەي اسەر ەتۋى مۇمكىن. بۇل جەردە ايتىلعان پىكىر ناقتى دالەل، دايەكتەرمەن كومكەرىلمەگەننەن كەيىن دەپۋتاتتاردىڭ تۇيگەن ويى ەكىۇداي بولۋى مۇمكىن. سوندىقتان تەرگەۋ امالدارى ناقتى ءبىر باعىتقا تۇسپەيىنشە پارلامەنتتە تالقىلاۋ جۇرگىزۋدىڭ قاجەتى جوق دەپ ويلايمىن، - دەدى دەپۋتات.

ەسىمجان ناقتىباي

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى