ەلەنا رىباكينا ادەلايدە تۋرنيرىندە جەڭىلىپ قالدى

جارىستىڭ 1-راكەتكاسى بولىپ تىركەلگەن قازاقستاندىق تەننيسشى شيرەك فينالدا دۇنيەجۇزىلىك رەيتينگىدە 21-ورىندا تۇرعان رەسەيلىك ەكاتەرينا الەكساندروۆامەن كورتتا كەزدەستى.

ماتچتى ءساتسىز باستاعان ە. رىباكينا قاتارىنان ءتورت گەيمدى بەرىپ قويدى - 0:4. بۇدان كەيىن ەسەپتى قىسقارتقانىمەن، سەت الەكساندروۆانىڭ ەنشىسىندە كەتتى - 3:6.

رەسەيلىك تەننيسشى ەكىنشى پارتيادا ءتىپتى العا كەتتى - 5:0. اقىرى دەگەنىنە جەتتى - 6:3.

ساعات جارىمعا سوزىلعان كەزدەسۋدە ەلەنا 9 ەيس جاساپ، 7 برەيك-پوينتتىڭ ەكەۋىن عانا پايدالاندى. ە. الەكساندروۆا 6 ەيس، 5 برەيككە (13 برەيك-پوينت) قول جەتكىزدى.

ە. الەكساندروۆا فينالعا شىعۋ ءۇشىن الەمنىڭ 12-راكەتكاسى، لاتۆيالىق ەلەنا وستاپەنكومەن شەبەرلىك تالاستىرادى. ول شيرەك فينالدا رەيتينگىدە 41-ساتىداعى ۋكراينالىق مارتا كوستيۋكتىڭ مەسەلىن قايىردى - 7:5، 6:3.

ەسكە سالا كەتەيىك، بۇدان بۇرىن الەكساندر بۋبليكتىڭ ادەلايدە تۋرنيرىنىڭ جارتىلاي فينالىنا شىققانىن جازعان بولاتىنبىز.

جىبەك قۇلامبايەۆا تايلاندتاعى جارىستا جارتىلاي فينالدان تىس قالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى