ەلمىزدە مۇناي مەن گاز ءوندىرۋ كولەمى ارتىپ، كومىر قازۋ كولەمى ازايعان

«وڭدەۋ ونەركاسىبىندە وڭ ءوسۋ ساقتالىپ وتىر. ءوندىرىس كولەمى % 3,2 ءوستى. كورسەتكىشتىڭ ءوسۋى 12 وڭىردە تىركەلدى. سونىڭ ىشىندە ەڭ جوعارعى ءوسۋدى قىزىلوردا، قوستاناي، اباي وبلىستارى جانە الماتى قالاسى كورسەتتى. وڭدەۋ ونەركاسىبىندە ماشينا جاساۋ ءوندىرىسىنىڭ % 27، ونىڭ ىشىندە اۆتوموبيل جاساۋ سالاسى - % 42، ەلەكتر جابدىقتارىن جاساۋ - % 31 ءوستى. بۇل رەتتە گاز ءوندىرۋ - % 9,7، مۇناي ءوندىرۋ - % 9,3، وزگە دە پايدالى قازبالاردى ءوندىرۋ - % 14 ارتتى»، - دەدى ول.

ونىڭ سوزىنشە، مەتالل كەندەرىن ءوندىرۋ - % 1,1، تاۋ- كەن ونەركاسىبىندە قىزمەت كورسەتۋ - % 2,3، كومىر ءوندىرۋ -% 5,5 تومەندەدى. ورىندالعان قۇرىلىس جۇمىستارىنىڭ كولەمى % 12,5 ۇلعايدى.

قاڭتار- قازاندا 13,3 ميلليون شارشى مەتر تۇرعىن ءۇي پايدالانۋعا بەرىلدى، بۇل وتكەن جىلدىڭ سايكەس كەزەڭىنەن % 14- كە جۋىق جوعارى.

اۋىل شارۋاشىلىعىنىڭ جالپى شىعارىلىمى % 8,6 تومەندەدى. كورسەتكىشتىڭ تومەندەۋى ءداندى داقىلداردى جيناۋ كولەمىنىڭ ازايۋىنان ورىن الدى.

«بارلىق 7 ەكونوميكالىق كورسەتكىش بويىنشا وڭ ءوسۋ 5 وڭىردە - اباي، باتىس قازاقستان، جەتىسۋ جانە قىزىلوردا وبلىستارىندا، سونداي- اق الماتى قالاسىندا بايقالدى»، - دەدى الىبەك قۋانتىروۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى