ەلمىزدە 300 مىڭنان استام حالقى باسقا جاققا كوشىپ كەتكەن وبلىس بەلگىلى بولدى
2009 -جىلمەن سالىستىرعاندا ىشكى كوشى-قون اعىنى ءوستى، دەپ حابارلايدى Kazinform.
ۇلتتىق ستاتبيۋرو مالىمەتىنشە، ىشكى كوشى-قون كولەمى 2009 -جىلى 2,3 ميلليون ادامنان 2021 -جىلى 2,6 ميلليون ادامعا دەيىن ۇلعايعان.
قازاقستاندىقتار الماتى قالاسىنا (357,9 مىڭ ادام)، الماتى وبلىسىنا (286,1 مىڭ ادام) جانە استانا قالاسىنا (283,5 مىڭ ادام) كوپ قونىس اۋدارعان.
قىزىلوردا جانە اتىراۋ وبلىستارىنا ەڭ از حالىق - تيىسىنشە 72,9 مىڭ جانە 72,5 مىڭ ادام كوشىپ بارعان.
بۇل رەتتە ءوز ەلدىمەكەنىنەن كوشىپ كەتۋشىلەردىڭ ەڭ از سانى ماڭعىستاۋ وبلىسىندا (71,8 مىڭ ادام) تىركەلدى.
كەرىسىنشە حالقى ءجيى كوشىپ كەتكەندەر سانى بويىنشا الماتى وبلىسى كوش باسىندا - 307,8 مىڭ ادام.
