گۇلميرا ساتىبالدى ءىسى بويىنشا سوت تەرگەۋى اياقتالدى

سۋديا مارتپەك كاكىمجانوۆ قىلمىستىق ءىس بويىنشا 17 سوت وتىرىسى وتكەنىن جانە تاراپتار مالىمدەگەن بارلىق كۋاگەردەن جاۋاپ الىنعانىن، سونداي-اق ءىس ماتەريالدارى جاريا ەتىلگەنىن اتاپ ءوتتى.

سوت وتىرىسى بارىسىندا قورعاۋشى تاراپ سوت تەرگەۋىن جالعاستىرۋدى سۇرادى. الايدا سۋديا ايىپتاۋشى تاراپ پەن قورعاۋشى تاراپتان ءىس بويىنشا سوتتالۋشىلاردى ايىپتايتىن دا، اقتايتىن دا دالەلدەمەلەر جيىنتىعى ۇسىنىلعانىن ايتتى.

«دالەلدەمەلەردىڭ جيىنتىعى كەڭەسۋ بولمەسىندە سوتتىڭ ايىپتالۋشىعا تاعىلىپ وتىرعان ايىپتىڭ دالەلدەنگەنى نەمەسە دالەلدەنبەگەنى تۋرالى قورىتىندى جاساۋى ءۇشىن جەتكىلىكتى. جوعارىدا ايتىلعانداردى ەسكەرە وتىرىپ، سوت تەرگەۋىن اياقتاۋ جانە سوت جارىسسوزدەرىن تاعايىنداۋ مۇمكىندىگى تۋرالى قورىتىندىعا كەلدى. ق پ ك-نىڭ 22 جانە 344-باپتارىنىڭ نەگىزىندە سوت قارالىپ وتىرعان ءىس بويىنشا سوت تەرگەۋىن اياقتاۋعا شەشىم قابىلدادى» ، - دەدى سۋديا.

سۋديا مارتپەك كاكىمجانوۆ سوت جارىس ءسوزى 22-تامىزدا ساعات 10.00-دە باستالاتىنىن اتاپ ءوتتى.

ەسكە سالايىق، بۇعان دەيىن كاسىپكەر اباي ءجۇنىسوۆ گۇلميرا ساتىبالدى بىرلەسكەن سەرىكتەستىكتە ۇرلىق جاسادى دەگەن كۇدىكپەن كىناسىن مويىنداۋدى تالاپ ەتىپ، 2019 -جىلدىڭ اقپانىنان بەرى ۇيىندە زاڭسىز قاماۋدا ۇستاعانىن ايتقان ەدى.

سوت وتىرىسى كەزىندە گۇلميرا ساتىبالدى وزىنە تاعىلعان ايىپپەن كەلىسپەيتىنىن مالىمدەدى.

بىلتىر گۇلميرا ساتىبالدى بىرەۋدىڭ مۇلكىن يەمدەنۋ جانە جىمقىرۋ قىلمىستىق ءىسى بويىنشا 7 جىلعا باس بوستاندىعىنان ايىرىلدى.

اۆتور
دوسبول اتاجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى