ەلدەگى ساقتاندىرۋ كومپانيالارى 10 ايدا 177,1 ميلليارد تەڭگە تاپقان
استانا. KAZINFORM - قارجى نارىعىن رەتتەۋ جانە دامىتۋ اگەنتتىگى ەلدەگى ساقتاندىرۋ كومپانيالارىنىڭ تازا تابىسىن جاريالادى.
ساقتاندىرۋ سالاسىنىڭ جاي-كۇيى تۋرالى شولۋدا 1-قاراشاعا دەيىنگى كورسەتكىشتەر بەرىلگەن.
قۇجاتقا سۇيەنسەك، 2024-جىلدىڭ 10 ايىندا ازاماتتارعا تولەنگەن ساقتاندىرۋ تولەمدەرىنىڭ جالپى كولەمى 266 ميلليارد 714 ميلليون تەڭگە بولعان. بۇل بىلتىرعى 10 ايمەن سالىستىرعاندا %24,1 ارتىق.
ونىڭ ىشىندە مىندەتتى ساقتاندىرۋ شارتى بويىنشا 104 ميلليارد 357 ميلليون تەڭگە تولەنسە، ەرىكتى ساقتاندىرۋ شارتى بويىنشا 162 ميلليارد 357 ميلليون تەڭگە تولەنگەن.
- 10 ايداعى ساقتاندىرۋ سەكتورىنىڭ تازا پايداسى 177 ميلليارد 150 ميلليون تەڭگە بولدى. ول وتكەن جىلدىڭ وسىعان ۇقساس كەزەڭىمەن سالىستىرعاندا %9,8 عا كەم، - دەپ جازىلعان شولۋدا.
جالپى بىلتىرعى قاراشا ايىنان بەرى ەلدەگى ساقتاندىرۋ ۇيىمدارىنىڭ سانى 26 دان 24 كە كەمىگەن. ساقتاندىرۋ سەكتورىندا شوعىرلانعان اكتيۆتەردىڭ ەلدىڭ جالپى ىشكى ونىمىندەگى ۇلەسى - %2,24.
