ەلدەگى 740 مەكتەپكە ديرەكتور كەرەك
استانا. KAZINFORM - وقۋ-اعارتۋ ءمينيسترى عاني بەيسەمبايەۆ ۆەدومستۆونىڭ القا ماجىلىسىندە مەكتەپ ديرەكتورلارىنىڭ دەڭگەيى ويداعىداي بولماي تۇرعانىن ايتتى.
- رەسپۋبليكادا 7 مىڭنان اسا مەملەكەتتىك مەكتەپ جۇمىس ىستەيدى. تالداۋ ديرەكتورلاردىڭ بىلىكتىلىك دەڭگەيىن كوتەرۋ كەرەكتىگىن كورسەتىپ وتىر. ولاردىڭ تەك 9 پايىزىندا عانا «جەتەكشى-كوشباسشى» ساناتى بار. وسى جاعدايدى شەشۋ ءۇشىن 2023-جىلدان بەرى «ءبىلىم بەرۋدەگى وزگەرىستىڭ 1000 كوشباسشىسى» جوباسى ىسكە اسىرىلىپ كەلە جاتىر. بۇگىنگى كۇنى 583 كانديدات رەسپۋبليكالىق كادرلىق رەزەرۆكە ەنگىزىلدى. جوبا ىسكە قوسىلعانىنا قاراماستان، 740 مەكتەپكە ديرەكتور جەتىسپەيدى، ونىڭ %81 اۋىل مەكتەبى، - دەدى عاني بەيسەمبايەۆ.
ديرەكتورلار تاپشىلىعى اسىرەسە تۇركىستان، قاراعاندى، پاۆلودار، اقمولا جانە قوستاناي وبلىستارىندا تىركەلگەن كورىنەدى.
- رەزۆەرۆتەگى كادرلاردى تاعايىنداۋ اقتوبە وبلىسىندا قاجەتتى دەڭگەيدە ورىندالماعان. ياعني باسشىلىق لاۋازىمعا 12 كادردىڭ ەكەۋى، شىمكەنتتە 23 ءتىڭ ۇشەۋى عانا تاعايىندالعان. الماتى قالاسىندا ريەۆەرۆتە تۇرعان 30 ماماننىڭ بىرەۋى دە تاعايىندالماعان. بۇل ءبىلىم باسقارمالارى تاراپىنان وڭىردەگى بوس ورىنداردى ەسكەرە وتىرىپ، وقىتۋعا قاتىسۋشىلاردى ىرىكتەۋ كەزىندە ناقتى ءتاسىلدىڭ جوق ەكەنىن كورسەتەدى. باسقاشا ايتساق، ستراتەگيالىق ماڭىزى جوبا بەتىمەن جىبەرىلگەن. ماسەلە تەك جاڭا ديرەكتورلار دايىنداۋدا عانا ەمەس، بۇكىل ديرەكتورلار قۇرامىن ساپالى مەنەدجمەنتكە وقىتۋ قاجەتتىگى تۋىنداپ وتىر. سوندا عانا ءبىلىم بەرۋ سالاسىندا ايتارلىقتاي وزگەرىستەرگە قول جەتكىزەمىز، - دەدى مينيستر.
ايتا كەتۋ كەرەك، 2026-جىلى كەيبىر مەكتەپتەردە وقۋ پاندەرى بىرىكتىرىلۋى مۇمكىن.
