ەلدىڭ 10 ايداعى ەكونوميكالىق ءوسىمى 4,9 پايىز بولدى

«قاڭتار- قازان ايلارىنىڭ قورىتىندىسى بويىنشا قازاقستان ەكونوميكاسىنىڭ ءوسۋ قارقىنى % 4,9 بولدى. ونىڭ ىشىندە ناقتى سەكتور - % 3,8، ال قىزمەت كورسەتۋ سالاسى - % 5,4 ءوستى. سالالار اراسىندا ەڭ جوعارى ءوسۋدى قۇرىلىس، ساۋدا، اقپارات جانە بايلانىس، سونداي- اق كولىك كورسەتتى. نەگىزگى كاپيتالعا سالىنعان ينۆەستيتسيالاردىڭ ءوسۋ قارقىنى % 12,6 بولدى. ينۆەستيتسيالار اعىنى كولىك جانە قويمالاۋدا - % 58، دەنساۋلىق ساقتاۋدا - % 40، ساۋدادا - % 38، ءبىلىم بەرۋدە - % 18، اۋىل شارۋاشىلىعىندا - % 8,7، ونەركاسىپتە - % 8,3 ءوستى»، - دەدى مينيستر.

الىبەك قۋانتىروۆ وڭىرلەر اراسىندا ەڭ جوعارى ءوسىم ماڭعىستاۋ، اباي، تۇركىستان جانە پاۆلودار وبلىستارىندا بايقالعانىن اتاپ ءوتتى.

«الدىن الا قورىتىندى بويىنشا 2023 -جىلعى قاڭتار- قىركۇيەكتە سىرتقى ساۋدا تاۋار اينالىمى % 2,4 ءوسىپ، 102 ميلليارد دوللاردى قۇرادى. ەكسپورت 57 ميللياردتان استام دوللاردى قۇراپ، ونىڭ ىشىندە وڭدەلگەن تاۋارلار ەكسپورتى 18 ميلليارد دوللارعا جەتتى. تاۋارلار يمپورتى 44 ميللياردتان استام دوللاردى قۇرادى. جالپى، وڭ ساۋدا بالانسى 13 ميلليارد دوللارعا تەڭ»، - دەدى ۇلتتىق ەكونوميكا ءمينيسترى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى