ەلدوس سمەتوۆتىڭ سۋرەتى حالىقارالىق دزيۋدو فەدەراتسياسىنىڭ كۇنتىزبەسىنە ەندى
استانا. KAZINFORM - پاريج وليمپياداسىنىڭ چەمپيونى ەلدوس سمەتوۆتىڭ سۋرەتى حالىقارالىق دزيۋدو فەدەراتسياسىنىڭ (IJF) كۇنتىزبەسىنە ەندى.
IJF كۇنتىزبەسىنە جاريالاۋعا رەسمي رۇقسات ەتىلگەن، سپورتتىڭ ابىرويىن اسقاقتاتىن، حالىقارالىق دزيۋدو فەدەراتسياسىنىڭ تالاپتارىنا ساي فوتوسۋرەتتەر عانا سالىنادى.
سونداي-اق، كۇنتىزبەگە دزيۋدو تاريحىندا ەلەۋلى ەڭبەگى سىڭگەن وليمپيادا نەمەسە الەم چەمپيوناتىنىڭ جەڭىمپازدارىنىڭ سۋرەتتەرى عانا ەنگىزىلەدى.
2025-جىلعى جاڭارتىلعان كۇنتىزبەگە ەلدوس سمەتوۆتىڭ پاريج وليمپياداسىندا ماراپاتتاۋ ساتىندەگى سۋرەت قويىلعان.
ەسكە سالايىق، ەلدوس سمەتوۆ 2016-جىلى ريو وليمپياداسىندا التىنعا ءبىر تابان جاقىن جەردە ءسۇرىنىپ، كۇمىس جۇلدەگە يە بولعان ەدى. كەيىن 2020-جىلى توكيو وليمپياداسىندا قولا مەدالدى قانجىعالادى. ال، 2024-جىلى ءوزىنىڭ ءۇشىنشى وليمپياداسىنىڭ فينالىندا فرانسيالىق لۋكا محايدزەنى جەڭىپ، التىننان القا تاقتى.
