لايفحاك: سمارتفون باتارەياسىن قالاي ۇنەمدەۋگە بولادى؟
IT تەحنولوگيا مامانى نيكيتا موكەيەۆ ۇيالى تەلەفوننىڭ باتارەياسىن ۇنەمدەۋگە قاتىستى بىرنەشە پايدالى كەڭەس بەردى، - دەپ حابارلايدى Tengri Life.
ماماننىڭ ايتۋىنشا، سمارتفوننىڭ جۇمىس ىستەۋ ۋاقىتى ازايعانى گادجەتتى ساتىپ العاننان ءبىر-ەكى جىلدان كەيىن بايقالا باستايدى. ساراپشى باتارەيانى ۇنەمدەۋ ءۇشىن ۇيالى تەلەفوننىڭ كەيبىر فۋنكتسياسىن ءوشىرۋدى ۇسىندى.
«مىسالى، Wi-Fi-دى بەلسەندى تۇردە ىزدەيتىن پارامەتر بار، ول ءجيى جاڭارتىلىپ وتىراتىندىقتان، سىمسىز بايلانىس مودۋلى ۇنەمى ىسكە قوسىلىپ تۇرادى. ول ەنەرگيانى جۇمسايدى»، - دەدى ول.
تاعى ءبىر نازار اۋداراتىن نارسە - قوسىمشالاردىڭ اۆتوماتتى تۇردە ىسكە قوسىلۋى. مامان تەلەفون قوسىلعان كەزدە ولار جۇمىستى وزدىرىنەن باستاپ، دەرەكتەردى جىبەرە باستايتىنىن ەسكە سالدى. كوبىنەسە بۇل كورسەتكىشتەردى سالىستىرۋ ءۇشىن ازىرلەۋشىلەرگە قاجەت. الايدا، گادجەت يەسىنە قوسىمشانىڭ اۆتوماتتى تۇردە ىسكە قوسىلۋى قۋاتتى ازايتقاننان باسقا اكەلەر پايداسى جوق.
موكەيەۆ سمارتفوننىڭ ماڭىزى تومەن فۋنكسيالارىن ءوشىرۋ ارقىلى باتارەيا قۋاتىن ايتارلىقتاي ۇنەمدەۋگە بولاتىنىن اتاپ ءوتتى.
«ارينە، ءبارى باتارەيانىڭ سىيىمدىلىعىنا بايلانىستى، ءبىراق 2 جىلدان بەرى قولدانىپ كەلە جاتقان ۇيالى تەلەفونداعى ارتىق پارامەترلەردى وشىرسەڭىز، كۇنىنە 10 پايىزعا دەيىن ۇنەمدەۋگە بولادى»، - دەدى ول.
سونداي-اق، ساراپشى ەگەر باتارەيانىڭ سىيىمدىلىعى ايتارلىقتاي تومەندەگەن بولسا، وندا قاجەت ەمەس فوندىق ارەكەتتەردى وشىرەتىن باتارەيانى ۇنەمدەۋ رەجيمىن قوسقان ءجون ەكەنىن ەسكە سالدى.
