لاۋرەۋس سىيلىعى: مەسسيدىڭ سوڭعى ماراپاتى بولۋى مۇمكىن بە

بۇل ماراپاتقا تەننيسشى نوۆاك دجوكوۆيچ، ليونەل مەسسي (فۋتبول)، ماكس فەرستاپپەن (فورمۋلا-1)، موندو ديۋپلانتيس (جەڭىل اتلەتيكا)، ەرلينگ حولاند (فۋتبول) جانە نوا لايلس (جەڭىل اتلەتيكا) ۇمىتكەر رەتىندە تىركەلدى.

2023-جىلى لاۋرەۋس سىيلىعىن ليونەل مەسسي، 2022 -جىلى ماكس ۆەرستاپپەن، 2021-جىلى رافاەل نادال جەڭىپ العان بولاتىن. ال بۇل سىيلىقتى كوپ العان سپورتشى - رودجەر فەدەرەر (4 رەت).

ەسكە سالا كەتەيىك، 2023 -جىلى Laureus سىيلىعىنا ۇمىتكەرلەردىڭ قاتارىندا قازاقستاندىق تەننيسشى ەلەنا رىباكينا دا بولدى. ول «جىل سەرپىلىسى» اتالىمىندا باق سىنادى. وتانداستارىمىزدىڭ وكىنىشىنە قاراي، بۇل اتالىم يسپاندىق تەننيسشى كارلوس الكاراسقا بۇيىرعان ەدى. دەسە دە، رىباكينا قازاقستان سپورتىنىڭ تاريحىندا بۇل جۇلدەگە ۇمىتكەر بولعان تۇڭعىش قازاقستاندىق رەتىندە تىركەلدى.

2024-جىلعى Laureus World Sports Awards ماراپاتتاۋ ءراسىمى 22-ساۋىردە يسپانيا استاناسى مادريدتە وتەدى.

Laureus World Sports Awards-جىل قورىتىندىسى بويىنشا ۇزدىك دەپ تانىلعان سپورتشىلاردى ىنتالاندىراتىن ماراپات. جۇلدە 1999-جىلدان بەرى تابىستالىپ كەلەدى.

جەڭىمپازدى تاڭداۋ ەكى كەزەڭنەن تۇرادى. العاشقىدا 80 گە جۋىق ەلدىڭ ۇزدىك سپورت رەداكتورلارى، جازۋشىلار مەن كوممەنتاتورلاردان تۇراتىن ىرىكتەۋ كوميسسياسى داۋىس بەرىپ، 6 سانات بويىنشا ۇزدىكتەردى ىرىكتەيدى. داۋىس بەرۋ بارىسىن «PricewaterhouseCoopers» ج ش س تاۋەلسىز اۋديتورلارى باقىلايدى. كەيىن Laureus World Sports Academy مۇشەلەرى جاسىرىن داۋىس بەرۋ ارقىلى جەڭىمپازداردى انىقتايدى.

اۆتور

ايدار وسپاناليەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى