ۆلاديمير زەلەنسكي ا ق ش-پەن سيرەك كەزدەسەتىن مينەرالدار جونىندەگى كەلىسىمدى قابىلدامادى

جۇما كۇنى ميۋنحەندەگى قاۋىپسىزدىك كونفەرەنسياسى اياسىندا ۆلاديمير زەلەنسكي مەن ا ق ش ۆيتسە-پرەزيدەنتى دجەي دي ۆەنس اراسىنداعى كەلىسسوزدەردىڭ نەگىزگى بولىگى بولعان بۇل ۇسىنىس ناقتى قاۋىپسىزدىك كەپىلدىكتەرىن قاراستىرماعان، دەپ مالىمدەدى اتى-ءجونى جاريالانباعان ۋكراينالىق شەنەۋنىكتەر.

زەلەنسكيدىڭ كەلىسىمگە قول قويماۋ تۋرالى شەشىمىن، ەڭ بولماعاندا قازىرگى ۋاقىتتا، اق ءۇيدىڭ جوعارى لاۋازىمدى شەنەۋنىگى «العىرلىقتان ادا قادام» دەپ اتادى.

- مەن مينيسترلەرگە بۇل كەلىسىمگە قول قويۋعا رۇقسات بەرگەن جوقپىن، ويتكەنى مەنىڭ ويىمشا، ول ءبىزدى جانە ءبىزدىڭ مۇددەلەرىمىزدى قورعاۋعا دايىن ەمەس، - دەدى زەلەنسكي سەنبى كۇنى ميۋنحەندە The Associated Press اگەنتتىگىنە.

ۇسىنىس ا ق ش-تىڭ ۋكرايناعا بايدەن اكىمشىلىگى تاراپىنان بۇرىن كورسەتىلگەن قولداۋ ءۇشىن «وتەماقى» رەتىندە جانە بولاشاق كومەككە تولەم رەتىندە سيرەك كەزدەسەتىن مينەرالداردى قالاي پايدالانا الاتىنىنا قاتىستى بولدى، دەپ مالىمدەدى قازىرگى جانە بۇرىنعى جوعارى لاۋازىمدى ۋكراينالىق شەنەۋنىكتەر اتى- جوندەرىن اتاماۋ شارتىمەن.

ۋكراينا اەروعارىش، قورعانىس جانە يادرولىق ونەركاسىپتە قولدانىلاتىن ستراتەگيالىق ماڭىزدى مينەرالداردىڭ ۇلكەن قورىنىڭ يەسى. ترامپ اكىمشىلىگى ولارعا قولجەتكىزۋگە مۇددەلى ەكەنىن مالىمدەپ، بۇل قىتايعا تاۋەلدىلىكتى ازايتۋعا كومەكتەسەتىنىن اتاپ ءوتتى. الايدا زەلەنسكي بۇل رەسۋرستاردى يگەرۋدى ۋكرايناعا قاۋىپسىزدىك كەپىلدىكتەرىن بەرۋ ماسەلەسىمەن بايلانىستىردى.

- مەن ءۇشىن كەز كەلگەن قاۋىپسىزدىك كەپىلدىكتەرى مەن كەز كەلگەن ينۆەستيتسيالار اراسىنداعى بايلانىس وتە ماڭىزدى، - دەدى ۋكراينا پرەزيدەنتى.

اق ءۇيدىڭ ۇلتتىق قاۋىپسىزدىك كەڭەسىنىڭ باسپا ءسوز حاتشىسى برايان حيۋز بۇل ۇسىنىستى ناقتى راستاۋدان باس تارتتى، ءبىراق ءوز مالىمدەمەسىندە «پرەزيدەنت زەلەنسكي ترامپ اكىمشىلىگى ۋكرايناعا ۇسىنىپ وتىرعان تاماشا مۇمكىندىكتى دۇرىس باعالاماي وتىر» دەدى.

ترامپ اكىمشىلىگى ۋكرايناعا قوسىمشا امەريكالىق كومەكتى جىبەرۋدەن شارشادى، جانە حيۋزدىڭ ايتۋىنشا، مينەرالدىق رەسۋرستار جونىندەگى كەلىسىم ا ق ش سالىق تولەۋشىلەرىنە كيەۆكە جىبەرىلگەن قاراجاتتى «قايتارۋعا» مۇمكىندىك بەرەدى، سونىمەن بىرگە ۋكراينانىڭ ەكونوميكاسىن دامىتۋعا ىقپال ەتەدى.

حيۋز سونداي-اق اق ءۇي «ا ق ش-پەن تىعىز ەكونوميكالىق بايلانىس بولاشاق اگرەسسيادان ەڭ جاقسى قورعانىس بولاتىنىن جانە تۇراقتى بەيبىتشىلىكتىڭ اجىراماس بولىگى سانالادى» دەپ ەسەپتەيتىنىن ايتتى.

- مۇنى ا ق ش مويىندايدى، ورىستار مويىندايدى، جانە ۋكرايندار دا مويىنداۋى كەرەك، - دەپ قوستى ول.

بۇعان دەيىن اق ءۇي كيەۆتىڭ ۆاشينگتونعا كورسەتىلگەن «300 ميلليارد دوللارعا جۋىق» كومەكتى «وتەپ بەرۋىن» قامتاماسىز ەتۋ نيەتى بار ەكەنىن مالىمدەگەن بولاتىن.

جوعارى لاۋازىمدى شەنەۋنىكتىڭ ايتۋىنشا، ميۋنحەندەگى كەلىسسوزدەر بارىسىندا امەريكالىق رەسمي تۇلعالار كوممەرتسيالىق كوزقاراستى ۇستانىپ، نەگىزىنەن پايدالى قازبالاردى بارلاۋ ەرەكشەلىكتەرى مەن ۋكراينامەن ىقتيمال ارىپتەستىك قۇرۋ ماسەلەسىنە نازار اۋدارعان.

- بۇل وتارشىلدىق سيپاتتاعى كەلىسىم، جانە زەلەنسكي وعان قول قويا المايدى، - دەپ مالىمدەدى بۇرىنعى جوعارى لاۋازىمدى شەنەۋنىك.

ۋكرايناداعى كەن ورىندارىنىڭ الەۋەتتى قۇنى ازىرگە تالقىلانعان جوق. بەلگىلى مالىمەتتەرگە سايكەس، مەندەلەيەۆتىڭ پەريودتىق جۇيەسىندەگى 118 حيميالىق ەلەمەنتتىڭ 92 سى ۋكراينا كەن ورىندارىندا كەزدەسەدى. ەلدەگى بارلىق مەتالل قورىنىڭ %42 ى قازىرگى ۋاقىتتا وككۋپاتسيالانعان اۋماقتاردا ورنالاسقان. 2022 -جىلى ب ۇ ۇ ۋكراينادا ۋران (%2,3)، كوبالت، ليتي، گرافيت جانە باسقا دا ماڭىزدى ەلەمەنتتەردى قوسا العاندا، الەمدىك «ستراتەگيالىق ماڭىزدى ەلەمەنتتەردىڭ» %5 ى بار ەكەنىن مالىمدەگەن.

ەسكە سالساق ميۋنحەن قاۋىپسىزدىك كونفەرەنسياسىندا قانداي ماسەلەلەر تالقىلانعانى تۋرالى جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى