ۆلاديمير پۋتين يادرولىق سىناقتارعا تىيىم سالۋ كەلىسىمىن راتيفيكاتسيالاۋدان باس تارتۋ تۋرالى

قۇجات قۇقىقتىق اقپاراتتىڭ رەسمي پورتالىندا جاريالاندى. Kazinform بۇل تۋرالى تاسس اقپارات اگەنتتىگىنە سىلتەمە جاساپ حابارلايدى.

شارتقا رەسەي اتىنان نيۋ-يوركتە 1996-جىلى 24- قىركۇيەكتە قول قويىلىپ، ونى 2000-جىلعى 27- مامىردا راتيفيكاتسيالادى. بۇل قۇجات يادرولىق سىناقتىڭ بارلىق ءتۇرىن توقتاتۋدىڭ نەگىزگى حالىقارالىق-قۇقىقتىق قۇجاتى بولۋى كەرەك ەدى. الايدا يادرولىق قارۋى بار نەمەسە ونى جاساۋ مۇمكىندىگى بار 44 مەملەكەتتىڭ 8 ءى ونى بەكىتپەگەندىكتەن، بۇگىنگى كۇنگە دەيىن شارت كۇشىنە ەنگەن جوق.

ىلەسپە ماتەريالداردا اتاپ وتىلگەندەي، قابىلدانعان زاڭ يادرولىق قارۋدى باقىلاۋ سالاسىنداعى مىندەتتەمەلەردىڭ تەپە-تەڭدىگىن قالپىنا كەلتىرۋگە ارنالعان. بۇل رەتتە قۇجات رەسەيدىڭ راتيفيكاتسيالاۋ گراموتاسىن قايتارۋ ءۇشىن قۇقىقتىق نەگىز بولاتىنى، ءبىراق ەلدىڭ ي ا س ج ت ش- نان شىعۋىن بىلدىرمەيتىنى تۇسىندىرىلەدى.

زاڭ رەسمي جاريالانعان كۇننەن باستاپ كۇشىنە ەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى