ل ر ت قۇرىلىسىندا قانشا شەتەل ازاماتى جۇمىس ىستەپ جاتىر

«استانا LRT جەڭىل رەلستى كولىك جەلىسى قازاقستان رەسپۋبليكاسى جانە قىتاي حالىق رەسپۋبليكاسىنىڭ قارىم- قاتىناستىق كەلىسىم اياسىندا ىسكە اسىرىلىپ جاتقان حالىقارالىق جوبا. ول كەلىسىمشارتقا ساي تولىق اياقتاۋ كوزدەلگەن. كەشەندى جوبا اياسىندا قۇرىلىس جۇمىستارى، جەرگىلىكتى جۇمىسشىلاردى دايىنداۋ، وقىتۋ مەن ۇيرەتۋ قاراستىرىلعان. بيىل قۇرىلىس جۇمىسىنا 1,5 مىڭعا جۋىق جۇمىسشى تارتىلدى، ونىڭ 1,1 مىڭى شەتەل ازاماتتارى. شەتەلدىك جۇمىسشىلار بويىنشا ماسەلەلەر مەردىگەر كومپانيانىڭ ءوز قۇزىرىندا»، - دەپ جاۋاپ بەردى Kazinform ساۋالىنا استانا قالاسىنىڭ اكىمدىگى.

سونداي-اق ەلوردا اكىمدىگى LRT جوباسىنا قانشا قارجى بولىنگەنىن ءمالىم ەتتى.

«LRT جوباسى مەملەكەتتىك بيۋدجەتتەن، سونداي-اق سىرتقى قارىز جانە وبليگاتسيالىق قاراجاتتاردى تارتۋ ارقىلى قارجىلاندىرىلدى. بۇگىنگى كۇنى قۇرىلىس 2026 -جىلعا دەيىن ىسكە اسىرۋ مەرزىمىمەن بيۋدجەت قاراجاتى ەسەبىنەن جۇزەگە اسىرىلىپ جاتىر.

جوبانىڭ جالپى قۇنى – 1 ميلليون 888 ا ق ش دوللارى. 2023 -جىلى قۇرىلىس 686 ميلليون دوللارعا قارجىلاندىرىلدى»، - دەلىنگەن اقپاراتتا.

LRT قۇرىلىسى بويىنشا استانادا سىعاناق، تۇركىستان كوشەسىندەگى قوزعالىستىڭ قايتا اشىلاتىنى تۋرالى حابارلاعان ەدىك.

ودان بولەك، اكىمدىكتەن LRT جەلىسى تاۋلىگىنە 25 مىڭ جولاۋشى تاسىمالدايتىنىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى