ەل اۋماعىندا قيار مەن قىزاناقتىڭ باعاسى قانشا

كوكتەمدە داستارقانعا قوياتىن سالاتتىڭ نەگىزگى قۇرامى قيار مەن قىزاناقتان تۇرادى. دۇكەن سورەلەرىندە كوكونىستىڭ بۇل ەكى تۇرىنە ءالى تاڭداۋ از. دەگەنمەن ەلىمىزدىڭ وڭتۇستىگىندە باعا وزگە ايماقتارعا قاراعاندا تومەن.

قيار باعاسى قانشا

ەلىمىز بويىنشا قيار باعاسىنىڭ ەڭ ارزانى تارازدا بولىپ شىقتى. مۇندا ءبىر كەلى قيار - 600-650 تەڭگەدەن. شىمكەنتتە قياردىڭ كەلىسى 600-800 تەڭگەدەن ساتىلىپ جاتىر.

الماتىدا قيار باعاسى 750 تەڭگەدەن باستالسا، قىزىلوردادا 800 دەن باستالعان باعا 1000 تەڭگەگە جەتەدى.

تۇركىستان مەن قونايەۆتا كوكونىس قۇنى شامالاس. مۇندا قيار كەلىسى 800-1200 تەڭگە تۇرادى.

ال قوستانايدا جەرگىلىكتى جىلىجايدا وسىرىلگەن قيار باعاسى شامامەن 900 تەڭگە دەپ كورسەتىلگەن. ءبىراق بازار مەن سۋپەرماركەتتە باعا 1200-1600 تەڭگە بولىپ تۇر.

پەتروپاۆلدا ۇزىن قيىردىڭ كەلىسى 950 تەڭگەگە، ال ۇساق سۇرپى 1250 تەڭگەگە ساتىلىپ جاتىر.

اقتاۋلىقتار قياردى 1000 تەڭگەگە ساتىپ الا الادى. اتىراۋدا بۇل كوكونىس قۇنى - 1150-1200 تەڭگەدەن.

پاۆلودار بازارىندا اقسۋدىڭ قيارى 1200 تەڭگەگە ساتىلىپ جاتىر. ال «ميريندا» سۇرپىنىڭ كەلىسى - 1100 تەڭگە. سۋپەرماركەتتەردە باعا جوعارى. مۇندا قياردىڭ كەلىسى - 1650 تەڭگە. ال اقتوبەدە قيار قۇنى 1200 تەڭگەدەن باستالادى.

كوكشەتاۋدا قيار قۇنى - 1250-1400 تەڭگە. ەلوردادا باعا وسى شامالاس.

وسكەمەن، تالدىقورعان، ورال مەن سەمەيدە قياردىڭ ءبىر كەلىسى - 1350 تەڭگەدەن.

جەزقازعان تۇرعىندارى قياردى 1350-1600 تەڭگەگە ساتىپ السا، قاراعاندىدا باعا - 1380 تەڭگە.

قىزاناق باعاسى - 1000 تەڭگە جانە ودان جوعارى.

ەلىمىزدىڭ وڭتۇستىگىندە باعا تومەن. تاراز بازارىندا قىزاناق قۇنى 600-700 تەڭگەگە باعالانسا، دۇكەندە كەلىسى 1000 تەڭگەدەن اسپايدى.

تۇركىستان مەن قونايەۆتا قىزاناق كەلىسى 900-1100 تەڭگە دەپ كورسەتىلگەن.

الماتى باعا ءارتۇرلى. قاراپايىم قىزاناق كەلىسى 1000-1700 تەڭگە، چەرري 1500-1600 تەڭگە، ال سارى سۇرىپتىسى 3000 تەڭگەگە جۋىقتايدى.

شىمكەنتتە قىزىل ءتۇستى قىزاناق كەلىسى - 1165 تەڭگە، ال اقشىل قىزىل ءتۇستى قىزاناق كەلىسى - 2520 تەڭگە. چەرريدىڭ باعاسى 1735 تەڭگەدەن باستالادى. قىزىلوردادا قىزاناق قۇنى 1200 تەڭگە بولىپ تۇر.

استانادا اقشىل قىزىل ءتۇستى قىزاناق كەلىسى - 1100-2500 تەڭگە شاماسىندا.

اقتوبەدە قاراپايىم قىزاناق كەلىسى - 1200 تەڭگە، «سارىاعاش» سۇرپى مەن چەرري 2000 تەڭگە بولسا، ساباعىنان اجىراماعان چەرريدىڭ كەلىسى 3800 تەڭگەگە ساتىلادى.

اقتاۋدا قىزاناق كەلىسى - 1200 تەڭگە.

كوكشەتاۋدا باعا مۇلدە بولەك. مۇندا قىزاناق كەلىسى 1300-1500 تەڭگە بولسا، چەرري سۇرپى 1800 تەڭگەگە ساتىلىپ جاتىر. ال پەتروپاۆلدا باعا 1300 تەڭگەگە جۋىقتاپ تۇر.

قوستانايدا قىزاناق كەلىسى 1400 تەڭگەدەن باستالىپ، 3500 تەڭگەگە (سۇرپى باسقا، اسىرەسە سارىسىنا باعا جوعارى) دەيىن جەتەدى.

ورال مەن تالدىقورعاندا قىزاناق باعاسى 1500 تەڭگە، ال اتىراۋدا 1500-1600 تەڭگە بولىپ تۇر.

جەزقازعاندا قىزاناقتىڭ كەلىسى 1550 تەڭگەدەن باستالىپ، 2000 تەڭگەگە جەتەدى. ال قاراعاندىدا باعا 1600-2640 تەڭگە دەپ كورسەتىلگەن.

ەلىمىزدىڭ شىعىسى وسكەمەن مەن سەمەيدە قىزاناقتىڭ كەلىسى سۇرپىنا قاراي ءارتۇرلى. تاشكەنتتىك سۇرپى – 2100، قىزىلى – 1700، چەرري – 2000، ال ساباعىنان اجىراماعانى - 1600 تەڭگە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى