كۇزگى شاقىرىلىمنان 11460 سارباز تەگىن وقۋعا نيەتتى - مينيسترلىك
ەلىمىزدە تەگىن وقىعىسى كەلەتىن ساربازدار سانى ارتىپ كەلەدى، دەپ حابارلايدى Kazinform.
«كۇزگى اسكەرگە 17253 سارباز شاقىرىلدى. ونىڭ ىشىندە قورعانىس مينيسترلىگى 7354 سارباز، ۇلتتىق گۆارديا 6402، توتەنشە جاعدايلار مينيسترلىگى جانە ۇلتتىق قاۋىپسىزدىك كوميتەتىنە 3397 سارباز. 17253 ساربازدىڭ 11460 سارباز وقۋعا تۇسۋگە نيەت ءبىلدىردى. بۇل %66,4. ال اسكەري جوعارى وقۋ ورىندارىندا وقۋعا 830 سارباز نيەت ءبىلدىرىپ وتىر»، - دەدى قورعانىس ءمينيسترىنىڭ كەڭەسشىسى ايگۇل تولەمبايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، ساربازداردىڭ دەنى مەملەكەتتىك ۋنيۆەرسيتەتتەردە وقىعىسى كەلەدى.
«بيىل قىركۇيەكتەن باستاپ 2022-جىلعى كوكتەمگى اسكەرگە شاقىرىلعان 600 دەن استام ازامات ءبىلىم بەرۋ جەڭىلدىكتەرىن الىپ، ج و و- دا وقۋدى باستادى. جەڭىلدەتىلگەن وقىتۋعا ۇمىتكەرلەر اسىرەسە ءال-فارابي اتىنداعى قازاق ۇلتتىق ۋنيۆەرسيتەتىنە، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنە، «Astana IT University» ج ش س مەن م. اۋەزوۆ اتىنداعى وڭتۇستىك قازاقستان ۋنيۆەرسيتەتىنە ۇلكەن قىزىعۋشىلىق تانىتتى، - دەدى ول.
