كەيىنگى جىلدارى ەلىمىزدە ادامداردىڭ ورتاشا ءومىر ءسۇرۋ ۇزاقتىعى ارتتى

- مىندەتتى الەۋمەتتىك مەديتسينالىق ساقتاندىرۋ تۋرالى زاڭ 2015-جىلى قابىلدانىپ، ونىڭ 2020-جىلى ەنگىزىلۋى باستالدى. م ءا م س جۇيەسىن ەنگىزگەننەن باستاپ دەنساۋلىق ساقتاۋدى قارجىلاندىرۋ ءۇش ەسەگە ءوستى، ونىڭ ىشىندە م ءا م س جۇيەسى قاراجاتىنىڭ ۇلەسى 0,4 تريلليون تەڭگەدەن 1,3 تريلليون تەڭگەگە دەيىن ۇلعايدى. مەديتسينالىق كومەكتى قارجىلاندىرۋ كولەمىنىڭ ۇلعايۋى حالىقتىڭ مەديتسينالىق كومەكتى، ونىڭ ىشىندە جوعارى تەحنولوگيالىق جانە قىمبات دياگنوستيكالىق قىزمەتتەردى پايدالانۋىنىڭ ارتۋىنا اكەلدى. بۇل جالپى ءومىر ءسۇرۋ ۇزاقتىعىنىڭ 2021-جىلعى 70,2 جىلدان 2023-جىلى 75 جاسقا دەيىن وسۋىنە اسەر ەتتى. ياعني، م ءا م س دەنساۋلىق ساقتاۋ جۇيەسىنىڭ ماڭىزدى قۇرامداس بولىگىنە اينالدى، - دەدى ق ر دەنساۋلىق ساقتاۋ ءمينيسترى اقمارال ءالنازاروۆا.

ونىڭ ايتۋىنشا، م ءا م س جۇيەسىندە ءبىرقاتار پروبلەما ساقتالىپ وتىر. ولار مىنالارمەن بايلانىستى:

1) ازاماتتاردىڭ م ءا م س جۇيەسىمەن تومەن قامتىلۋى؛

2) مەديتسينالىق كومەكتىڭ ارالاس پاكەتتەرىن اكىمشىلىك باسقارۋدىڭ كۇردەلىلىگى.

- سونىمەن قاتار، وڭ دەموگرافيالىق كورسەتكىشتەر دەنساۋلىق ساقتاۋ جۇيەسىنە قوسىمشا مىندەتتەردى جۇكتەيدى. اتاپ ايتساق، حالىق سانىنىڭ سوڭعى 5 جىلدا 7 پايىزعا ءوستى (2018-2025 ج ج.)، مەديتسينالىق كومەكتى تۇتىنۋشىلار سانىنىڭ ارتۋى، ياعني كەيىنگى بەس جىلدا 60 جاستان اسقان ادامدار سانى 28 پايىزعا، بالالار سانى 18 پايىزعا ءوستى. بۇدان بولەك، اۋرۋشاڭدىق كورسەتكىشى دە ارتتى. مۇنىمەن قوسا، جوعارى تەحنولوگيالىق مەديتسينالىق قىزمەتتەردى پايدالانۋدىڭ ارتۋىنا بايلانىستى ستاتسيونارلىق قىزمەتتىڭ ورتاشا قۇنى 1,6 ەسە وسكەن. بۇل م ءا م س جۇيەسىنىڭ قارجىلاندىرۋ مودەلىن قايتا قاراۋ ءۇشىن وبەكتيۆتى فاكتورلار رەتىندە سانالادى جانە زاڭ جوباسىنىڭ نەگىزىندە ۇزاق مەرزىمدى اكتۋارلىق مودەلىن قالىپتاستىرۋ كەزىندە ەسكەرىلدى، - دەدى مينيستر.

قازىرگى ۋاقىتتا، دەنساۋلىق ساقتاۋدى قارجىلاندىرۋ ارالاس بيۋجەتتىك-ساقتاندىرۋ مودەلى بويىنشا جۇزەگە اسىرىلادى.

- دەگەنمەن، تمككك جانە م ءا م س ەكى پاكەتىنىڭ بولۋى اكىمشىلىك-باسقارۋدى قيىنداتىپ جانە تولىققاندى ساقتاندىرۋ جۇيەسىنە كوشۋدى باياۋلاتۋدا. جوعارعى اۋديتورلىق پالاتانىڭ 2023-جىلعى تەكسەرۋ قورىتىندىسى بويىنشا مەديتسينالىق كومەكتى 39 ميلليارد تەڭگە كولەمىندە پاكەتتەن پاكەتكە اۋىستىرىپ، قارجىلاندىرىلعان جۇيەلىك كەمشىلىك انىقتالدى. مەملەكەت باسشىسىنىڭ 2024-جىلعى 2-قىركۇيەكتەگى قازاقستان حالقىنا جولداۋىندا مەملەكەتتىڭ مۇمكىندىگى مەن مىندەتتەمەلەرىن ەسكەرە وتىرىپ، «مەديتسينالىق كومەكتىڭ ءبىرىڭعاي بازالىق پاكەتىن» قالىپتاستىرۋدى تاپسىردى. جوعارىدا ايتىلعاندارعا بايلانىستى م ءا م س رەفورماسى بۇل - تەك قاجەتتىلىك ەمەس، سونىمەن قاتار ستراتەگيالىق باسىمدىق ەكەندىگى انىق. دەنساۋلىق ساقتاۋ مينيسترلىگى بارلىق مۇددەلى ورگاندارمەن بىرلەسىپ، جۇيەنى نىعايتۋعا باعىتتالعان ءبىرقاتار زاڭنامالىق شارالاردى ۇسىنادى. بۇل وزگەرىستەر مەديتسينالىق كومەكتىڭ ساپاسىن ارتتىرىپ قانا قويماي، دەنساۋلىق ساقتاۋدىڭ ۇزاق مەرزىمدى قارجىلىق تۇراقتىلىعىن ساقتاۋعا مۇمكىندىك بەرەدى، - دەدى ۆەدومستۆو باسشىسى.

بۇدان بۇرىن حابارلانعانداي، ەندى م ءا م س- پەن قامتىلماعاندار اقىسىز ونكولوگيالىق سكرينينگتەن وتە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى