كيىك ەتى قايدا ساتىلادى
اۋىل شارۋاشىلىعى ءمينيسترى ايداربەك ساپاروۆ كيىك ەتىن ساتۋ ماسەلەسىنە وراي پىكىرىن ءبىلدىردى، دەپ حابارلايدى Kazinform.
«جالپى، كيىكپەن ەكولوگيا مينيسترلىگى اينالىساتىندىعىن بىلەسىزدەر. تاياۋدا عانا ەت كومبيناتتارى اينالىساتىندىعى تۋرالى شەشىم قابىلدانعان بولاتىن. اڭشىلىق شارۋاشىلىعى دا اينالىسادى. اۋىل شارۋاشىلىعى مينيسترلىگى رەتىندە ءبىزدىڭ جۇمىسىمىز - ۆەتەرينارلىق قاۋىپسىزدىكتى قامتاماسىز ەتۋ»، - دەدى مينيستر ۇكىمەت وتىرىسىنان كەيىنگى باسپا ءسوز ءماسليحاتىندا.
ونىڭ اتاپ وتۋىنشە، كيىك ەتى جەتكىزىلەتىن ەت كومبيناتتارى انىقتالعان.
«ءبىز جەتى ەت كومبيناتىن انىقتادىق. ول جەردە ۆەتەرينارلار بار. ولار ءونىم ساپاسىنىڭ تولىق ساي كەلەتىندىگىن انىقتاپ، ۆەتەرينارلىق قاۋىپسىزدىككە جاۋاپ بەرەدى. ال قايدا وتكىزىپ، ساتاتىندىعىمىزعا بايلانىستى مونيتورينگ جۇرگىزىپ جاتىرمىز. ونى كەيىن قوسىمشا حابارلايمىز»، - دەدى ايداربەك ساپاروۆ.
