كيىك ەتى شەتەلگە ەكسپورتتالا ما - مينيستر جاۋابى
ساۋدا جانە ينتەگراتسيالار ءمينيسترى ارمان شاققاليەۆ جۋرناليستەردىڭ كيىك ەتىن شەتەلگە ەكسپورتتاۋ جۇمىسى تۋرالى سۇراعىنا جاۋاپ بەردى، دەپ حابارلايدى Kazinform اگەنتتىگى.
ساۋدا جانە ينتەگراتسيالار ءمينيسترى ارمان شاققاليەۆ جۋرناليستەردىڭ كيىك ەتىن شەتەلگە ەكسپورتتاۋ جۇمىسى تۋرالى سۇراعىنا جاۋاپ بەردى، دەپ حابارلايدى Kazinform اگەنتتىگى.
«قازىرگى ۋاقىتتا ءبىزدىڭ مينيسترلىكتە كيىك ەتىن شەت ەلدەرگە ساتۋ جوسپارى جوق. ءتىپتى ىشكى نارىقتا، بازارلارىمىزدا كيىك ەتىن ەشقايسىمىز كورگەن جوقپىز. استانا ماڭايىندا ءبىر كولىك ەت تيەگەن ادامنىڭ ۇستالعانى تۋرالى اقپارات بولدى. ول زاڭسىز جۇمىس ىستەگەن. قازىر ءبىزدىڭ قۇزىرەت بويىنشا اۋىل شارۋاشىلىعى مينيسترلىگى كيىك ەتىنەن كونسەرۆى، سۋب ءونىم جاساۋعا ستاندارت جاساۋدى سۇراپ وتىر. سول ستاندارتتاۋ جاعىنان جۇمىس جۇرگىزىپ جاتىرمىز»، - دەدى مينيستر ەلوردادا وتكەن باسپا ءسوز ءماسليحاتىندا.
ءمينيستردىڭ ايتۋىنشا، كيىك ەتىنە قاتىستى ناقتى ستاندارت بولسا، سەرتيفيكات، دەكلاراتسيا، تەكسەرۋ جۇمىستارى جولعا قويىلادى.
«بۇل سۇرانىسقا دا بايلانىستى. قاي ەلدەن (كيىك ەتىنە - رەد.) سۇرانىس بولسا، سول ەلگە ساۋدا جاعىنان ۇيىمداستىرۋعا كومەك كورسەتەمىز. ەڭ باستىسى، تەحنيكالىق رەتتەۋ مەن قاۋىپسىزدىك جانە ساپا تالاپتارىنا ساي بولۋى كەرەك»، - دەدى ا. شاققاليەۆ.
بۇعان دەيىن ەكولوگيا جانە تابيعي رەسۋرستار مينيسترلىگى كيىكتەردى اتۋعا رۇقسات بەرىلگەن ايماقتاردى اتاعان ەدى.
