كۋۆەيت ينۆەستيتسيالىق قورى قازاقستاندا استىق وڭدەۋ جوباسىن قارجىلاندىرماق

«مال شارۋاشىلىعىندا، استىق ءوسىرۋ سالاسىندا، كوكونىس تاقىرىبىندا جوبالار بار. جالپى اۋىل شارۋاشىلىعى سالاسىندا ءتۇرلى مەملەكەتتەردىڭ ءتۇرلى ينۆەستورلارىمەن بايلانىس بار. ول جوبالاردىڭ ءبىر بولىگى استىق وڭدەۋمەن بايلانىستى.

بۇل جوبالارعا ا ءو س ش ك- گە كىرەتىن ەلدەردىڭ ءبارى قاتىسىپ جاتىر دەۋگە بولادى. ءتىپتى باقىلاۋشى ەلدەر دە اتسالىسىپ جاتىر. مىسالى، كۋۆەيت قورى (كۋۆەيت ينۆەستيتسيالى قورى - رەد. ) ، كۋۆەيت بيزنەسى قاراستىرىپ جاتقان بىرنەشە ءىرى، سالماقتى جوبا بار. مىسالى، استىق وڭدەۋمەن بايلانىستى جوبا بار. كۋۆەيت قورى 1,5-2 ميلليارد دوللارداي بولاتىن ينۆەستيتسيانى قاراپ جاتىر.

ءبىرىنشى قادام جاسالدى - اقمولا وبلىسىندا جەر ءبولىندى. ازىرگە بيزنەس جوبانى اتاماۋدى ءوتىنىپ وتىر. ايتپەسە قازىردىڭ وزىندە ىسكە اسىپ جاتىر. ويتكەنى بەلگىلى ءبىر تەحنيكالىق نازىك ماسەلەلەر، كوممەرتسيالىق قۇپيا ماسەلەسى بار. جالپى جوبالاردىڭ كوبى ىسكە اسىرۋ ساتىسىندا»، - دەدى «اتامەكەن» ۇ ك پ ءتورالقا ءتوراعاسى رايىمبەك باتالوۆ ا ءو س ش ك بيزنەس فورۋمىندا.

سونداي- اق، ول بيزنەس فورۋم اياسىندا قازىر قولعا الىنعان جوبالار پىسىقتالاتىنىن، باستى قورىتىندى دا وسى جوبالارمەن بايلانىستى ەكەنىن ايتتى. ال كەيبىر جوبالاردىڭ قۇنى جوعارى بولعاندىقتان ا ءو س ش ك اياسىمەن عانا شەكتەلمەيتىنىن ەسكەرتتى.

«ا ءو س ش ك ىسكەرلىك القاسىنىڭ اياسىنداعى ناقتى جوبالاردىڭ قۇنى 100 ميلليون دوللاردان ءسال ارتىق. بۇلاردىڭ ءبارى شىنايى جوبالار ەكەنىن ايتقىم كەلەدى. ارينە، ءبىز 1 ميلليارد دوللار كولەمىندە بولسا دەپ جوسپارلاعانبىز. ءبىراق ناقتى ءىس جۇزىندە تالقىلانىپ، ىسكە اسىرىلا باستاعان جوبالاردىڭ قۇنى 100 ميلليون دوللاردان ءسال اسادى»، - دەدى رايىمبەك باتالوۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى