ۇكىمەتتە ينۆەستيتسيالىق شتابتىڭ وتىرىسى ءوتتى

وتىرىس بارىسىندا قاتىسۋشىلار 17 ءىرى جوبانىڭ تىزىمىنەن ەكى جوبانىڭ ىسكە اسىرىلۋ مارتەبەسىن تالقىلادى. ماسەلەن، استانا قالاسىندا «Tiryaki Agro» اگروونەركاسىپتىك كەشەنىن جانە پاۆلودار وبلىسىندا «ە گ م ك» ج ش س گيدرومەتاللۋرگيالىق كومبيناتىن سالۋ بويىنشا ءبىرقاتار اشىق ساۋالدار قارالدى. ءبىرىنشى جوبا بويىنشا ينۆەستيتسيالاردىڭ جالپى كولەمى شامامەن 169,6 ميلليارد تەڭگەنى قۇرايدى، ال ونى ىسكە اسىرۋ 400 جۇمىس ورنىن اشۋ ارقىلى جىل سايىنعى بيداي ءوندىرىسىن 240 مىڭ تونناعا ۇلعايتادى. ينۆەستيتسيا سوماسى 343,3 ميلليارد تەڭگە بولاتىن «ە گ م ك» ج ش س جوباسى 300 مىڭ توننا التىن مىس كونسەنتراتىن قايتا وڭدەۋدى جانە 500 جۇمىس ورنىن اشا وتىرىپ، شامامەن 15 توننا التىن شىعارۋدى قامتاماسىز ەتەدى.

بۇدان باسقا، اقتوبە وبلىسىنىڭ ينۆەستيتسيالىق باعدارلاماسى، اتاپ ايتقاندا اۋەجاي بازاسىندا ا ە ا قۇرۋ جانە «حرومتاۋ» يندۋستريالىق ايماعىن دامىتۋ تالقىلاندى. وبلىستىڭ 74 ينۆەستيتسيالىق جوباسىنىڭ ىشىنەن 2025 -جىلى 1,2 مىڭ جۇمىس ورنىن اشۋمەن 490 ميلليارد تەڭگە سوماسىنا 10 جوبانى ىسكە اسىرۋ جوسپارلانۋدا. ولاردىڭ ىشىندە رەلستى دانەكەرلەۋ كاسىپورنىنىڭ كەڭەيۋىن، جەل ەلەكتر ستانسالارىنىڭ قۇرىلىسىن، ءجۇن جانە توقىما ەمەس ماتەريالداردى قايتا وڭدەۋ كاسىپورنىنىڭ قۇرىلىسىن جانە باسقالارىن اتاپ وتۋگە بولادى.

قاتىسۋشىلار سونداي-اق تەمىرجول جانە اۆياتسيا سالالارىندا ستراتەگيالىق ينفراقۇرىلىمدىق جوبالاردى ىسكە اسىرۋ بويىنشا ءبىرقاتار اشىق ماسەلەلەردى تالقىلادى. مەملەكەت باسشىسىنىڭ تاپسىرماسىنا سايكەس، ترانس قازاقستاندىق تەمىرجول ءدالىزىن دامىتۋ ەلدى جاھاندىق كولىك جەلىلەرىنە كىرىكتىرۋدەگى باستى مىندەت بولىپ سانالادى. بۇل جوبالار ينۆەستيتسيالار تارتۋعا، جۇمىس ورىندارىن اشۋعا جانە ساۋدانى ءارى حالىقارالىق ارىپتەستەرمەن بايلانىستى دامىتۋ ارقىلى تۇراقتى ەكونوميكالىق ءوسۋدى قامتاماسىز ەتۋگە ىقپال ەتەدى.

سونىمەن قاتار ينۆەستورلاردىڭ وتىنىشتەرىن تالداۋ بارىسىندا كاسىپكەرلىك كودەكستە ەكونوميكالىق قىزمەتكە جانە كاسىپورىنداردىڭ ودان ءارى كەڭەيۋىنە كەدەرگى كەلتىرەتىن نورما انىقتالدى. بۇل ماسەلەنى شەشۋ ءۇشىن مۇددەلى مەملەكەتتىك ورگاندارعا ءتيىستى تاپسىرمالار بەرىلدى.

اۆتور

نازىم بولەسوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى