ۇكىمەت جول سالۋعا الىنعان قارىزداردىڭ پايىزىن اقىلى جولدار ارقىلى وتەمەكشى

- بيۋدجەتكە تۇسەتىن جۇكتەمەنى ازايتۋ جانە ءوزىن-ءوزى اقتاۋ ماقساتىندا رەكونسترۋكتسيا جانە جوندەۋ جۇمىستارى اياقتالعان ۋچاسكەلەردە «اقىلى» ستاتۋسىن كەزەڭ-كەزەڭىمەن ەنگىزۋ جالعاسۋدا. قازىر رەسپۋبليكا بويىنشا ۇزىندىعى 3 مىڭ 200 شاقىرىم اقىلى جول جۇيەسى جۇمىس ىستەيدى. 2024 -جىلى ءتۇسىم 48 ميلليارد تەڭگە بولدى. بيىل قوسىمشا 4 مىڭ شاقىرىم اقىلى ۋچاسكەلەر ەنگىزىلەتىن بولادى، - دەدى ۆەدومستۆو باسشىسى.

ءمينيستردىڭ ايتۋىنا قاراعاندا، ولاردان كەلەتىن ءتۇسىم كولەمى بيىل 60 ميلليارد تەڭگەگە، كەلەسى جىلى 100 ميلليارد تەڭگەگە دەيىن جەتۋ كەرەك.

- بۇل رەتتە، وسى اقىلى جولداردان تۇسكەن قاراجاتتىڭ ءبىر بولىگىن قۇرىلىس جۇمىستارىنا الىنعان قارىزداردىڭ پايىزدىق مولشەرلەمەلەردى وتەۋگە جۇمساۋ ماسەلەسى قاراستىرىلىپ جاتىر، - دەدى مارات قارابايەۆ.

بۇعان دەيىن بيىل ەلدەگى اۆتوجولداردىڭ اقىلى ۋچاسكەلەرىندەگى تاريفتەر ورتا ەسەپپەن 30 پايىزعا ءوسۋى جوسپارلانعانى ءمالىم بولعان ەدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى