ۇكىمەت باسشىسىن سىناعانى ءۇشىن ينتەرنەت-باسىلىمنىڭ جۇمىسى توقتاتىلدى
قىرعىزستاننىڭ مادەنيەت، اقپارات، سپورت جانە جاستار ساياساتى مينيسترلىگى Nazarnews.org سايتىن ەكى ايعا بۇعاتتاۋ تۋرالى شەشىم قابىلدادى. مۇنداي شەشىم قابىلداۋعا مينيسترلەر كابينەتىنىڭ ءتوراعاسى اقىلبەك جاپاروۆقا قاتىستى راستالماعان اقپارات تاراتۋ ماسەلەسى سەبەپ بولىپ وتىر، دەپ حابارلايدى Kazinform اگەنتتىگىنىڭ ءتىلشىسى جەرگىلىكتى بۇقارالىق اقپارات قۇرالدارىنا سىلتەمە جاساپ.
ينتەرنەت- كەڭىستىكتى مونيتورينگىلەۋ بارىسىندا Nazarnews.org سايتىندا جاريالانعان ماتەريالدى باعالاعان ۆەدومستۆو وكىلدەرى ماقالانىڭ مينيسترلەر كابينەتىنىڭ ءتوراعاسى اقىلبەك جاپاروۆتىڭ ار-ۇجدانى مەن ىسكەرلىك بەدەلىنە نۇقسان كەلتىردى دەپ شەشكەن.
مينيسترلىك وكىلدەرى «راستالماعان اقپاراتتان قورعاۋ تۋرالى» ق ر زاڭىنا سۇيەنە وتىرىپ، ينتەرنەت-باسىلىم وكىلدەرىنەن ماتەريالدى الىپ تاستاۋ قاجەتتىگىن ەسكەرتكەن. رەداكسيا وكىلدەرى بۇل تالاپتى ورىنداماعان. وسىعان بايلانىستى ۆەدومستۆو وكىلدەرى سيفرلىق دامۋ مينيسترلىگى جانىنداعى بايلانىس سالاسىن قاداعالاۋ مەن رەتتەۋ قىزمەتىنە ماتەريالدى ءماجبۇرلى تۇردە الدىرتىپ، ينتەرنەت-باسىلىمنىڭ جۇمىسىن ەكى ايعا توقتاتۋ تۋرالى شەشىم جىبەرگەن.
ايتا كەتەيىك، قىرعىزستاندا 2021 -جىلدان بەرى «راستالماعان اقپاراتتان قورعاۋ تۋرالى» زاڭ بار. اتالمىش زاڭ قابىلدانعالى بەرى Respublika، «ازاتتىق» راديوسى، Kloop.kg، سياقتى ءبىرقاتار اقپارات قۇرالىنىڭ جۇمىسى توقتاتىلدى.
اۆتور
ايدار وسپاناليەۆ
