ۇكىمەت باسشىسى گاز بەن مۇناي ءوندىرۋدى ارتتىرۋدى تاپسىردى

- بيىل تاۋ-كەن ونەركاسىبىندەگى ءوندىرىس كولەمى شامالى عانا ءوستى. ەنەرگەتيكا مينيسترلىگىنە تابيعي گاز بەن مۇناي ءوندىرۋ كولەمىن ارتتىرۋ بويىنشا شارالاردى كۇشەيتۋدى تاپسىرامىن. 2025 -جىلى مۇناي ءوندىرۋدى جوسپارلانعان كولەمدە قامتاماسىز ەتۋ قاجەت، - دەدى پرەمەر-مينيستر.

سونىمەن قاتار ۇكىمەت باسشىسى قاراشا ايىندا جىلدىق ينفلياتسيا 8,4 پايىزعا دەيىن باسەڭدەگەنىن ايتتى.

- بۇل - الەۋمەتتىك ماڭىزدى ماسەلە، سوندىقتان ونى قاتاڭ باقىلاۋدا ۇستاۋ قاجەت، - دەدى ولجاس بەكتەنوۆ.

وسى ورايدا پرەمەر- مينيستر ورىنباسارى سەرىك جۇمانعارينگە ەگەر وڭىرلەر جەرگىلىكتى جەردە قاجەتتى شارالاردى قولعا الماسا، ءتيىستى شەشىمدەر قابىلداۋ ءۇشىن دەرەۋ بايانداۋدى تاپسىردى.

- بۇل جۇمىستا تۇراقتاندىرۋ قورلارىن، فورۆاردتىق شارتتاردى، سۋبسيديالاۋ سياقتى قولدا بار تەتىكتەردى بەلسەندى پايدالانۋ كەرەك. سونىمەن قاتار، يمپورتقا تاۋەلدى ونىمدەر ءوندىرىسىن كەڭەيتۋ قاجەت. ينفلياتسيا دەڭگەيىن باقىلاۋ جانە ونى تومەندەتۋ جونىندەگى شارالار جوسپارىن ورىنداۋ بويىنشا بارلىق قاجەتتى شارالاردى قابىلداڭىزدار. ءبىز ەكونوميكا ءوسىمىنىڭ وڭ قارقىنىن ساقتاپ قالۋعا ءتيىسپىز. مينيسترلەر مەن اكىمدەرگە بولىنگەن قاراجاتتىڭ تولىق ءارى ۋاقتىلى يگەرىلۋىن ەرەكشە باقىلاۋعا الۋدى تاپسىرامىن. قارجى مينيسترلىگى بيۋدجەتتىڭ كىرىس بولىگىنىڭ اتقارىلۋىنا باقىلاۋدى كۇشەيتۋى قاجەت»، - دەدى ول.

مارلان جيەمباي

اۆتور

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى