كىمدەرگە ورىك جەۋگە بولمايدى؟
استانا. KAZINFORM - قازىر جەمىستەردى جىلدىڭ كەز كەلگەن مەرزىمىندە تابۋعا بولادى. الايدا ەڭ ءدامدى جانە پايدالى جەمىستەر ءوز ماۋسىمىندا ساتىلادى. جاز - ورىكتىڭ تابيعي جولمەن پىسەتىن كەزى.
ورىكتى قالاي تاڭداۋ كەرەك جانە ونى كىمدەرگە جەۋگە بولمايدى؟
جۇمساق ورىك جەمىسى %10,5 قانتتان تۇرادى.
سونىمەن قاتار وندا:
الما قىشقىلى؛
شاراپ قىشقىلى؛
ليمون قىشقىلى؛
كراحمال؛
پەكتين؛
يلىك زات؛
دارۋمەندەر؛
يود؛
كالي تۇزى؛
ناتري تۇزى؛
فوسفور تۇزى؛
تەمىر تۇزى بولادى.
ورىكتىڭ پايداسى
ءبىرىنشى كەزەكتە ورىك ارىقتاعىسى كەلەتىندەر ءۇشىن جاقسى. ودا كالوريا از، ال پايدالى جاسۇنىق كوپ. سونىڭ ارقاسىندا جەمىس اسقورىتۋدى رەتتەيدى، قان تامىرلاردى قاتايتادى. وعان قوسا، ورىك ءتوزىمدى بولا تۇسۋگە جانە كوڭىل كۇيدى كوتەرۋگە كومەكتەسەدى.
سونداي-اق ورىك قۇرامىنىڭ ارقاسىندا يممۋنيتەتتى قاتايتادى، تەمىر تاپشىلىقتى انەميادان قورعايدى جانە قاتەرلى ىسىك قاۋپىن ازايتادى.
كىمدەرگە ورىك جەۋگە بولمايدى؟
كەز كەلگەن ونىم سەكىلدى ورىككە دە قارسى كورسەتىلىم بار. ورىكتى ديابەتى، اللەرگياسى، اسقازان-ىشەك جولى اۋرۋلارى جانە باۋىر اۋرۋى بار ادامدارعا ابايلاپ جەۋ كەرەك.
ورىكتى قالاي تاڭداۋ كەرەك؟
ورىك بارىنشا پايدالى بولۋ ءۇشىن ونى دۇرىس تاڭداۋ كەرەك. جاقسى ورىكتىڭ ءتۇسى تەگىس بولۋى كەرەك: ودا ەشقانداي نۇكتەلەر مەن داقتار بولماۋى ءتيىس. ورىكتەن ءتاتتى ءيىس شىعىپ تۇرۋى كەرەك جانە سىرتى قۇرعاق بولۋى كەرەك. ورىكتىڭ وتە جۇمساق نەمەسە وتە قاتتى ءتۇرىن الماڭىز.
