كىمدەر الەۋمەتتىك كومەكتى ۇيدە تەگىن الۋعا قۇقىلى
پەتروپاۆل. KAZINFORM - الەۋمەتتىك قىزمەتكەرلەر اۋرۋىنا، جاراقاتىنا، جاسىنا نەمەسە مۇگەدەكتىگىنە بايلانىستى وزدەرىنە كۇتىم جاساۋ، ءجۇرىپ-تۇرۋ قابىلەتىنەن تولىق نەمەسە ءىشىنارا جوعالتقان ادامدارعا كومەكتەسەدى.
قازاقستاندا ۇيدە ارنايى الەۋمەتتىك قىزمەتتەر الاتىن ازاماتتاردىڭ ساناتىنا:
- زەينەتكەرلىك جاسقا تولعان قارت ادامدار، سونداي- اق ءوز بەتىنشە ءجۇرىپ-تۇرا المايتىن جانە تۇراقتى كۇتىمدى قاجەت ەتەتىن ى جانە 2-توپتاعى مۇگەدەكتىگى بار ادامدار جاتادى. زاڭ بويىنشا ولارعا قامقورلىق جاساۋعا مىندەتتى ەڭبەككە قابىلەتتى كامەلەتكە تولعان بالالارى (جۇبايى/زايىبى) بولماعان كەزدە قىزمەت كورسەتىلەدى.
ەگەر تۋىستارى وبەكتيۆتى سەبەپتەرمەن كومەك كورسەتە الماسا، ماسەلەن:
- 1-نەمەسە 2-توپتاعى مۇگەدەكتىگى بار بولسا،
- ونكولوگيالىق نەمەسە پسيحيكالىق اۋرۋلاردان زارداپ شەكسە،
- باس بوستاندىعىنان ايىرۋ ورىندارىندا بولسا،
- پسيحيكالىق دەنساۋلىق ورتالىعىندا ەسەپتە تۇرسا،
- شەتەلگە تۇراقتى تۇرۋعا كەتسە،
- باسقا ەلدى مەكەندە تۇرسا (جۇبايى/زايىبى ءۇشىن جاسى دا ەسكەرىلەدى) قولداۋ جاسالۋى مۇمكىن.
سونداي-اق، پسيحونيەۆرولوگيالىق اۋرۋلاردان زارداپ شەگەتىن مۇگەدەك بالالارعا، تىرەك-قيمىل اپپاراتى بۇزىلعان مۇگەدەكتىگى بار بالالارعا جانە پسيحونيەۆرولوگيالىق اۋرۋلارى بويىنشا مۇگەدەكتىگى بار ەرەسەكتەرگە (18 جاستان اسقان) قىزمەت كورسەتىلەدى.
بۇعان دەيىن قازاقستاندا كىم ءتىسىن تەگىن ەمدەتە الاتىندىعىن جازدىق.
سونداي-اق ەلىمىزدە تەگىن وتا كىمدەرگە جاسالاتىندىعىن، اقىلى جولدارىندا كىمدەر تەگىن جۇرە الاتىندىعىن جانە ەلوردادا اقىلى اۆتوتۇراقتى كىمدەر تەگىن پايدالانا الاتىندىعىن دا بىلە الاسىز.
