كيم چەن ىن وڭتۇستىك كورەيامەن بىرىگۋ يدەياسىنان باس تارتتى
سولتۇستىك كورەيا كوشباسشىسى كيم چەن ىن وڭتۇستىك كورەيامەن تاتۋلاسۋ جانە بىرىگۋ ماسەلەسىمەن اينالىساتىن اگەنتتىكتەردىڭ جۇمىسىنا تىيىم سالىپ، ولاردى مۇلدە جاۋىپ تاستادى.
AlJazeera تەلەارناسىنىڭ حابارلاۋىنشا، ك ح د ر باسشىسى سوعىستى قالامايدى. ءبىراق ەلگە قاۋىپ تونەتىن بولسا، قاراپ قالمايدى.
سولتۇستىك كورەيانىڭ جوعارعى حالىق جينالىسىندا سويلەگەن سوزىندە كيم چەن ىن وڭتۇستىك كورەيامەن قايتا قوسىلۋ مۇمكىن ەمەس ەكەنىن العا تارتىپ، ول ەلدى «جاۋ مەملەكەت» اتاۋ ءۇشىن بيلىكتى كونستيتۋتسياعا وزگەرتۋلەر مەن تۇزەتۋلەر ەنگىزۋگە شاقىردى.
سودان كەيىن ول وڭتۇستىك كورەيامەن تاتۋلاسۋعا قاتىسقان 3 ۇيىمنىڭ، اتاپ ايتقاندا، ەلدى بەيبىت جولمەن بىرىكتىرۋ كوميتەتىنىڭ، ۇلتتىق ەكونوميكالىق ىنتىماقتاستىق بيۋروسى مەن حالىقارالىق تۋريزم بيۋروسىنىڭ قىزمەتىنە تىيىم سالاتىنىن ايتىپ، ولاردىڭ مۇلدە جابىلاتىنىن ەسكەرتتى.
جاقىندا ك ح د ر زىمىران سىناقتارىن وتكىزگەندە كورەي تۇبەگىندەگى ەلدەردىڭ اراسى ودان ءارى ناشارلاپ كەتكەن بولاتىن.
