كيم چەن ىن سولتۇستىك كورەيانىڭ يادرولىق قالقانىن نىعايتۋعا شاقىردى
استانا. KAZINFORM - سولتۇستىك كورەيا باسشىسى كيم چەن ىن يادرولىق ماتەريالدار وندىرەتىن بازا مەن يادرولىق قارۋدى زەرتتەۋ ينستيتۋتىندا بولدى، دەپ جازادى س ت ا ك.
ول يادرولىق ماتەريالداردى ءوندىرۋ پروتسەستەرىن تەكسەرىپ، يادرولىق قارۋدى زەرتتەۋ ينستيتۋتىنىڭ اعىمداعى جاعدايىمەن جانە 2025-جىلعا ارنالعان جوسپارىمەن تانىستى.
كيم چەن ىن ەل ءوزىنىڭ «يادرولىق قالقانىن» نىعايتۋى كەرەك ەكەنىن اتاپ ءوتتى.
- ءبىز قارۋ-جاراققا ارنالعان يادرولىق ماتەريالداردى ءوندىرۋ جوسپارىن اسىرا ورىنداۋعا جانە ەلدىڭ يادرولىق قالقانىن نىعايتۋدا داۋىرلىك تابىستارعا جەتۋگە ءتيىسپىز، - دەدى ول.
ك ح د ر كوشباسشىسىنىڭ ايتۋىنشا، قاۋىپسىزدىكتى كۇش ارقىلى قامتاماسىز ەتۋ - بۇل ەلدىڭ ەڭ ءادىل كۇرەس ءتاسىلى.
كيم چەن ىن ك ح د ر- داعى قاۋىپسىزدىك جاعدايى الەمدەگى ەڭ تۇراقسىز جاعداي ەكەنىن اتاپ ءوتتى.
- يادرولىق قورعانىشتى ۇزدىكسىز نىعايتۋ تۋرالى سۇراق تۋىندايدى، ول قازىرگى كەزدە بار ءارتۇرلى قاۋىپتەرگە عانا ەمەس، سونىمەن بىرگە قاۋىپسىزدىككە جاڭا جانە كەلەشەك قاۋىپتەرگە دە جاۋاپ بەرەدى ءارى ەگەمەندىگىمىزگە سەنىمدى كەپىلدىك بەرەدى، - دەدى ول.
2024-جىلدىڭ كۇزىندە سولتۇستىك كورەيا كوشباسشىسى كيم چەن ىن ەلدىڭ يادرولىق الەۋەتىن نىعايتۋعا ۋادە بەرىپ، بۇل ەلدىڭ يادرولىق قارۋ سانىن ەكسپونەنتسيالدى تۇردە ارتتىرۋ ساياساتىن تۇراقتى تۇردە جۇرگىزىپ جاتقانىن مالىمدەگەن.
