كيبەرقاۋىپسىزدىكپەن اينالىساتىن جەكە قۇرىلىم قاجەت بولۋى مۇمكىن - مامان پىكىرى
استانا. KAZINFORM - ەلىمىزگە كيبەرقاۋىپسىزدىكپەن اينالىسۋعا وكىلەتتىگى بار جەكە قۇرىلىم قاجەت بولۋى مۇمكىن. بۇل تۋرالى كيبەرشابۋىلداردى تالداۋ جانە تەرگەۋ ورتالىعىنىڭ باسشىسى ولجاس ساتيەۆ ايتتى.
«ءبىز ستارتاپتار ەلىمىز ءارى العا شىققىمىز كەلەدى. ءبارىن جىلدام جاسايمىز، تەز ىسكە قوسامىز. وكىنىشكە قاراي، كەيدە كيبەرقاۋىپسىزدىك ماسەلەسىنە بارىنشا بايىپتى قارامايمىز. ءتىپتى، بانكوماتتان اقشا شەشىپ الۋدان بولەك كارتالاردى ەندى عانا دۇرىس پايدالانا باستاپ ەدىك. قازىر ەشكىم دە قولما- قول اقشا ۇستامايتىن بولدى. تەحنولوگيالارداعى وسىنداي جاڭا قۇبىلىستاردىڭ بارلىعى بىزگە كيبەرقاۋىپسىزدىكتى كۇشەيتۋ قاجەتتىن ءتۇسىندىرۋى ءتيىس. مۇمكىن كيبەرقاۋىپسىزدىكپەن اينالىسۋعا وكىلەتتىگى بار جەكە قۇرىلىم قاجەت شىعار»، - دەدى ول سيفرلىق دامۋ مينيسترلىگى ۇيىمداستىرعان بريفينگتە.
ونىڭ دەرەگىنشە، ەلىمىزدە IT- بيۋدجەتىنىڭ 1 دەن 3 پايىزىنا دەيىن عانا كيبەرقاۋىپسىزدىككە بولىنەدى. ال الەمدىك تاجىريبەدە ول 10 پايىزعا جەتەدى.
«تەك ازاماتتار عانا ەمەس، ءىرى كومپانيالاردىڭ باسشىلارى دا قازىرگى ءبارى دە قالىپتى كورىنەتىن شىنايى جاعدايدا ءومىر ءسۇرىپ جاتقانىمىزدى ءتۇسىنۋى ءتيىس. بۇل دجەيمس بوند جايىنداعى قانداي دا ءبىر فيلم ەمەس. كيبەر- توپتار ا ق ش، رەسەي، قىتاي، كورەيا سىندى كوپتەگەن ەلدە بار. ءتىپتى، سولتۇستىك كورەيانىڭ وزىندە الەمدەگى ەڭ مىقتىلاردىڭ ءبىرى سانالاتىن حاكەرلىك توپ بار، ولار كيبەرتىڭشىلىقپەن اينالىسادى»، - دەدى ولجاس ساتيەۆ.
اۆتور
مارلان جيەمباي
