ەكىباستۇزدا ءۇش جاسار قىز قايناپ تۇرعان سۋعا كۇيىپ قايتىس بولدى

وقيعا ورنىنا كەلگەن دارىگەرلەر ءۇش جاسار قىزدىڭ قايتىس بولعانىن انىقتادى.

103 قىزمەتىنە قوڭىراۋ 30- قازان كۇنى تۇنگى ساعات 02:30 شاماسىندا تۇسكەن.

قايتىس بولعان قىزدىڭ اناسىنىڭ ايتۋىنشا، اپكەسى ءسىڭلىسىن شومىلدىرماق بولىپ، ابايسىزدا بالانىڭ ۇستىنە قايناعان سۋ توگىپ العان. بۇل جەكسەنبى كۇنى كۇندىز بولعان. دارىگەرلەر ءسابيدىڭ دەنەسىنىڭ 40 پايىزىن كۇيىك شالعانىن ايتتى.

«وقيعا بولعان كەزدە بالا اتاسى مەن اجەسىنىڭ جانە توعىز جاستاعى اپكەسىنىڭ قاراۋىندا بولعان. ولار كۇندىز مەديتسينالىق كومەككە جۇگىنبەگەن، بالانىڭ اناسى كۇيىك تۋرالى كەشكى ۋاقىتتا بىلگەن، ال تۇندە جەدەل جاردەم شاقىرعان. دارىگەرلەر بالانىڭ بيولوگيالىق ءولىمىن راستادى. ونىڭ ارقاسىن، اياعىن 2-3- دارەجەلى تەرميالىق كۇيىك شالعان»، - دەپ حابارلادى پاۆلودار وبلىستىق دەنساۋلىق ساقتاۋ باسقارماسىنان.

بيىل وبلىستىق بالالار اۋرۋحاناسىنا كۇيىك شالعان 530 دان استام بالا ءتۇستى. دارىگەرلەر وسىنداي جاعداي بولعاندا بىردەن كومەككە جۇگىنۋ قاجەت ەكەنىن ەسكەرتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى