ەكى قازاقستاندىق قۇلدىقتان بوساتىلدى

«اباي وبلىسىندا پوليتسياعا 1973 -جىلى تۋعان، پسيحيكالىق اۋىتقۋى بار اعاسىنىڭ ءىز-ءتۇزسىز جوعالىپ كەتكەنى تۋرالى ارىز ءتۇستى. سول مالىمەتتى تەكسەرۋ كەزىندە ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ەكى ادامدى ۇستادى. ولار جابىرلەنۋشىنىڭ بايلانىس قۇرالىن تارتىپ الىپ، ءوزىن الداپ-سۋلاپ سەمەيدەن الىپ شىققان. قالادان 200 شاقىرىم جەردەگى شارۋا قوجالىقتا ەڭبەككە سالعان.

ەر ادامدى ول جەردە 3 اپتا بويى ەركىنەن تىس ۇستاعان جانە ءۇي شارۋاسىنا جەككەن. بۇل دەرەك سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە قىلمىستىق كودەكستىڭ 128-بابى بويىنشا تىركەلدى. زارداپ شەككەن ادام تۋىسقاندارىنا قايتارىلدى»، - دەدى دەپارتامەنت باستىعى.

سپيكەردىڭ سوزىنشە، ۇيىمداسقان قىلمىسقا قارسى كۇرەس باسقارماسىنىڭ ماماندارى پاۆلودار وبلىسىندا دا ەڭبەككە ماجبۇرلەپ تارتۋدىڭ جولىن كەسكەن.

«1987 -جىلى تۋعان ەر ادامدى كۇش قولدانامىز دەپ قورقىتىپ، جاقىنداعى ەلدى مەكەننەن 60 شاقىرىم جەردەگى اڭشى ۇيىنە الىپ كەتكەن. ونىڭ موينىنا قارىز ءىلىپ، ەكى جىل بويى ەڭبەگىن قاناعان. قازىر ەڭبەگىن قاناۋ ماقساتىمەن ادامدى باس بوستاندىعىنان زاڭسىز ايىرۋ فاكتىسى بويىنشا تەرگەۋ ءجۇرىپ جاتىر. زارداپ شەگۋشى تۋىستارىنا قايتارىلدى»، - دەدى قانات نۇرماعامبەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى