كوز الدىمىزدا تاريحتىڭ جاڭا اينالىمى باستالىپ جاتىر - قاسىم-جومارت توقايەۆ

- الەمدەگى اۋقىمدى وزگەرىستەرگە بارشامىز كۋا بولىپ، ءتىپتى، وعان ءوزىمىز دە قاتىسىپ جاتىرمىز. بۇل ءۇردىستىڭ جالعاسا بەرەرى ءسوزسىز. باستى حالىقارالىق ماسەلەلەردى شەشۋگە قاتىستى جاڭا پايىمدار مەن نارراتيۆتەر، ەرەكشە كوزقاراستار مەن تاسىلدەر پايدا بولدى. بۇرىن-سوڭدى بولماعان قاقتىعىستار، ۋشىعا تۇسكەن سەنىم داعدارىسى، قادىر-قاسيەتى كەتە باستاعان حالىقارالىق قۇقىق، ەكونوميكالىق شايقاستار قازىرگى الەمنىڭ باستى سيپاتىنا اينالدى، - دەپ اتاپ ءوتتى قاسىم-جومارت توقايەۆ.

پرەزيدەنتتىڭ ايتۋىنشا، مۇنىڭ ءبارى جاڭا تەحنولوگيالىق قالىپ ورنىققان، ماڭىزدى رەسۋرستار ءۇشىن تالاس- تارتىس كۇشەيە تۇسكەن، ءوندىرىس جانە ساۋدا-لوگيستيكا بايلانىستارى قايتا قۇرىلىپ جاتقان، تەحنوگەندىك جانە تابيعي اپاتتار تۋىنداعان كەزەڭگە تۇسپا-تۇس كەلىپ وتىر.

- بەدەلدى ساياساتكەرلەر مەن ساراپشىلار «دۇنيە ءجۇزى جاپپاي بەرەكەسىزدىك جايلاعان نەمەسە بولاشاعى بۇلىڭعىر جاڭا زاماننىڭ قارساڭىندا تۇر» دەگەن پىكىر بىلدىرە باستادى. باسقاشا ايتقاندا، الەمدەگى ەسكى ءتارتىپ كۇيرەپ جاتىر، ال جاڭا ءداۋىردىڭ سۇلباسى ءالى ناقتى ايقىندالعان جوق. كوز الدىمىزدا تاريحتىڭ جاڭا اينالىمى باستالىپ جاتىر، - دەدى مەملەكەت باسشىسى.

بۇعان دەيىن پرەزيدەنت د. ترامپ باستاعان امەريكا اكىمشىلىگىنىڭ ءداستۇرلى مورالدىق قۇندىلىقتاردى قالپىنا كەلتىرۋگە باعىتتالعان جۇمىستارى قولداۋعا لايىق ەكەنىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى