كوستەنكو شاحتاسىنداعى اپات: ءانشى ديماش جاس بالاسى بار 20 وتباسىعا 20 ميلليون تەڭگە اۋداردى
ءانشى ديماش قۇدايبەرگەن شاحتادا اكەلەرى قايتىس بولعان، كامەلەتتىك جاسقا تولماعان بالالارى بار 20 وتباسىعا 20 ميلليون تەڭگە اۋداردى، دەپ حابارلايدى Kazinform.
قاراعاندىداعى كوستەنكو شاحتاسىندا قازا تاپقان 46 ازاماتتىڭ ارتىندا قالعان وتباسىلارىنا مەملەكەت تە، جەكە كاسىپكەرلەر دە قولۇشىن سوزىپ جاتىر.
ايگىلى ءانشى ديماش قۇدايبەرگەن دە وسى وتباسىلارعا قايىرىمدىلىق جاساۋدان قالىس قالعان جوق. ول سول اپاتتا اكەلەرى قايتىس بولعان، كامەلەتتىك جاسقا تولماعان بالالارى بار 20 وتباسىعا 1 ميلليون تەڭگەدەن اۋداردى.
ايتا كەتەيىك، 28-قازان ساعات 02:33-تە قاراعاندى وبلىسىنداعى كوستەنكو اتىنداعى شاحتادا اپات بولىپ، 46 كەنشى قازا تاپتى.
وسى قايعىلى وقيعاعا بايلانىستى قازاقستاندا 29-قازان جالپىۇلتتىق ازا تۇتۋ كۇنى بولىپ جاريالاندى.
