كوستەنكو شاحتاسىنان 42 كەنشىنىڭ دەنەسى تابىلدى
ساعات 15:00 دەگى جاعداي بويىنشا كوستەنكو شاحتاسىنان 42 ادامنىڭ دەنەسى تابىلدى، 4 كەنشىنى ىزدەۋ جالعاسۋدا، دەپ حابارلايدى Kazinform ق ر ت ج م باسپا ءسوز قىزمەتىنە سىلتەمە جاساپ.
اۆاريانى جويۋ جونىندەگى رەسپۋبليكالىق جەدەل شتابتىڭ باسشىسى - توتەنشە جاعدايلار ءمينيسترى گەنەرال-- مايور سىرىم ءشارىپحانوۆ شاحتاعا ءتۇستى. ءورت جانە كەنشىلەردىڭ قازا بولعان جەرلەردى تەكسەرۋ جۇرگىزىلدى.
اۆاريانى جويۋ جونىندەگى جەدەل شتاب تاۋلىك بويى ىزدەستىرۋ-قۇتقارۋ جۇمىستارىن ۇيلەستىرۋدە. ەڭ قاۋىپسىز جانە كەنشىلەر بولۋى مۇمكىن ىقتيمال ۋچاسكەلەر بويىنشا تاۋ-كەن قۇتقارۋشىلارىنىڭ ءوتۋ جولدارى پىسىقتالۋدا.
ىزدەستىرۋ جۇمىستارى شامامەن ءبىر-بىرىنەن 4 ك م قاشىقتىقتا ورنالاسقان ەكى ءوندىرۋ ۋچاسكەسىنىڭ اۋدانىندا جۇرگىزىلۋدە.
تاۋ-كەن قۇتقارۋشىلارى قاجەتتى جابدىقتارمەن جانە بايلانىس قۇرالدارىمەن قامتاماسىز ەتىلگەن.
گاز جاعدايىن باقىلاۋ جالعاسۋدا.
ىزدەستىرۋ-قۇتقارۋ جۇمىستارىنا بارلىعى «كاسىبي اسكەريلەندىرىلگەن اۆاريالىق-قۇتقارۋ قىزمەتتەرىنىڭ رەسپۋبليكالىق ورتالىق شتابى» ج ش س قاراعاندى فيليالىنىڭ 55 تاۋ-كەن قۇتقارۋشىسى جانە 15 تەحنيكاسى جۇمىلدىرىلدى.
شۇعىل مەديتسينالىق كومەكتى قامتاماسىز ەتۋ ءۇشىن 21 ادام جانە 7 بىرلىك جەدەل مەديتسينالىق جاردەم تەحنيكاسى جۇمىلدىرىلدى.
بۇدان باسقا، ت ج م جانە قاراعاندى وبلىسىنىڭ ت ج د- دا رەسپۋبليكالىق جانە وبلىستىق جەدەل شتابتار جۇمىس ىستەيدى.
