كوستەنكو شاحتاداسىنعى اپات: سوتقا دەيىنگى تەرگەۋ باستالدى - باس پروكۋراتۋرا

«وتكەن تۇندە قاراعاندى وبلىسىندا كوستەنكو اتىنداعى شاحتاداعى ءورت فاكتىسى بويىنشا تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك قاعيدالارىن بۇزۋ بابى بويىنشا سوتقا دەيىنگى تەرگەپ-تەكسەرۋ باستالدى (قىلمىستىق كودەكستىڭ 277-بابىنىڭ 3-بولىگى).

ارنايى پروكۋرورلاردىڭ باسشىلىعىمەن ۆەدومستۆوارالىق جەدەل-تەرگەۋ توبى قۇرىلدى، ونىڭ قۇرامىنا قۇقىق قورعاۋ ورگاندارىنىڭ نەعۇرلىم تاجىريبەلى قىزمەتكەرلەرى مەن ت ج م ماماندارى ەنگىزىلدى.

جەرگىلىكتى جەردە تەرگەۋ جۇمىسىن باس پروكۋروردىڭ ءبىرىنشى ورىنباسارى تيمۋر تاشىمبايەۆ پەن ءى ءى م ءمينيسترىنىڭ ورىنباسارى قايرات سۇنتايەۆ ۇيلەستىرۋدە» دەلىنگەن حابارلامادا.

ايتا كەتەيىك، بۇگىن تاڭەرتەڭ كوستەنكو اتىنداعى شاحتادا ءورت بولىپ، 11 ادام كوز جۇمعانىن، ءارتۇرلى دارەجەدەگى جاراقاتتارمەن اۋرۋحاناعا 18 ادام جەتكىزىلگەنىن جازعان ەدىك.

ارتىنشا تاعى بەس كەنشىنىڭ دەنەسى تابىلىپ، قۇربان بولعاندار سانى 16 عا جەتتى.

ق ر پرەزيدەنتى قاسىم-جومارت توقايەۆ قازا تاپقان كەنشىلەردىڭ تۋعان-تۋىستارى مەن جاقىندارىنا كوڭىل ايتتى.

سونداي-اق، پرەزيدەنت ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى