كورەيادا ازيا قازاقتارىنىڭ ەكىنشى قۇرىلتايى ءوتىپ جاتىر
وڭتۇستىك كورەيادا ازيا ەلدەرىندەگى قازاقتاردىڭ ەكىنشى قۇرىلتايى ءوتىپ جاتىر. بۇل جولى يونين قالاسىنا مالايزيا، جاپونيا جانە موڭعولياداعى قازاق دياسپورالارىنىڭ وكىلدەرى باس قوستى. كەلەلى جيىندا كوتەرىلگەن ماسەلەلەردى ءتىلشىمىز ۆلاديسلاۆ سوي تىڭداپ قايتتى. قۇرىلتاي اياسىندا مادەني جانە ەكونوميكالىق ىنتىماقتاستىق جونىندە پىكىر الماسۋلار ءوتتى.
«وتانداستار» قورى قازاق تىلىندەگى كىتاپتاردى الا كەلدى. سۋرەتشى ءارى زەرگەر اقمارال باقىتوۆا ءوز جۇمىستارىن كورسەتتى. قازاقستاننىڭ حالىق ءارتىسى سۆەتلانا ايتبايەۆا قاتىسۋشىلاردى قازاق زەرگەرلىك ونەرىمەن تانىستىردى. ال ەتنوگراف ايگەرىم مۇساعاجينوۆا قازاقتىڭ ۇلتتىق تاعامدارىنىڭ پايدالى قاسيەتتەرى تۋرالى ايتىپ بەردى. قازاقستاننىڭ ەڭبەك سىڭىرگەن مادەنيەت قايراتكەرى جۇبانىش جەكسەن ۇلى كورەرمەندەرمەن بىرگە تانىمال قازاق اندەرىن شىرقادى.
قۇرىلتايدىڭ حانگۋك شەتەل تىلدەرى ۋنيۆەرسيتەتىندە ءوتۋى كەزدەيسوق ەمەس. بۇل جوعارى وقۋ ورنىندا اباي ينستيتۋتىن اشۋ جونىندە كەلىسسوزدەر جۇرگىزىلىپ جاتىر.
دانيار قادىروۆ، "وتانداستار قورى" ك ە ا ق پرەزيدەنتى:
- مەملەكەت باسشىسى تاپسىرما بەرگەن اباي ينستيتۋتتارىن شەتەلدە اشۋ دەپ. وسى ۋنيۆەرسيتەتتە قازاق ءتىلىن ۇيرەتەدى. وسى قازاق ءتىلىن ۇيرەتەتىن ەڭ ۇلكەن ۋنيۆەرسيتەتتەردىڭ ءبىرى دۇنيە جۇزىندە. سوعان بايلانىستى وسى ۋنيۆەرسيتەت پەن قارىم-قاتىناس جاساپ جاتىرمىز. نەگىزى ول جۇمىستى قولعا الىپ ىسكە اسىرامىز.
فەستيۆال اياسىندا وڭتۇستىك كورەيادا العاش رەت قازاق تىلىندە شەشەندىك ونەر سايىسى ءوتتى. ونى قازاقستاننىڭ سەۋلدەگى ەلشىلىگى ۇيىمداستىردى. فينالعا حانگۋك ۋنيۆەرسيتەتىنىڭ جەتى ستۋدەنتى شىقتى. ولاردىڭ قابىلەتىن قازاقستاننىڭ حالىق ءارتىسى قانات ايتبايەۆ باستاعان قازىلار القاسى باعالادى. ءبىرىنشى ءورىندى ەكىنشى كۋرس ستۋدەنتى لي سو ەن الدى.
لي سو ەن، حانگۋك شەت تىلدەر ۋنيۆەرسيتەتىنىڭ 2-كۋرس ستۋدەنتى:
- مادەنيەت سالادا جاقىنىراق بولۋ ءۇشىن جيى كەزدەسىپ سويلەسۋ كەرەك دەپ ويلايمىن. مەن قازاق ءتىلىڭ جاقسى ۇيرەنىپ ەكى ەل اراسىنداعى جاقسى قارىم-قاتىناس جاساۋىنا ۇلەس قوسقىم كەلەدى.
قانات ايتبايەۆ، ق ر حالىق ءارتيسى:
- حانگۋك ۋنيۆەرسيتەتىنىڭ قابىرعاسىندا ورتالىق ازيا ەلدەرىنىڭ تانۋ فاكۋلتەتى بار ەكەن. سول جەردە قازاق وزبەك ءتىلىن ۇيرەنەتىن جاستاردىڭ ءبىزدىڭ مادەنيەتىمىزدى، ءبىزدىڭ ءتىلىمىزدى ەركىن مەڭگەرىپ ۇيرەنىپ جاتقاندىعىن كورىپ كوڭىلىمىزگە قاتتى قۋانىش سىيلاپ تۇر. كەلبەتتەرىنە قاراساق كورەي جاستار ەكەنىن، قازاق جاستار ەكەنىن تىلىنە قاراپ عانا ايىرىپ تۇرمىز.
قازاق ءتىلى بايقاۋىنىڭ جەڭىمپازى سەۋل- الماتى- سەۋل باعىتىنداعى تەگىن اۋە بيلەتىن يەلەندى. بۇل سىيلىق لي سو ەنعا قازاقستانعا بارىپ، ءتىلىن ودان ءارى جەتىلدىرۋگە مۇمكىندىك بەرەدى.
ۆلاديسلاۆ تسوي، ولگا ليان
24.kz
