كورەيادا اسكەري جاعداي جاريالاندى: ەلشىلىك قازاقستاندىقتارعا ۇندەۋ جاسادى
استانا. KAZINFORM - وڭتۇستىك كورەيا پرەزيدەنتى يۋن سوك ەل حالقىنا جولداۋ جاساپ ەلدە اسكەري توتەنشە جاعداي جاريالاندى، دەپ حابارلايدى ت ا س س.
اگەنتتىكتىڭ حابارلاۋىنشا، بۇعان دەيىن وڭتۇستىك كورەيا پرەزيدەنتى شۇعىل كەڭەس وتكىزىپ، وزىنە يمپيچمەنت جاريالاۋ ارەكەتى جاسالعانىن مالىمدەدى. ول وپپوزيتسيانى ەلدىڭ نەگىزگى قىزمەتتەرىن ورىنداۋ ءۇشىن قاجەتتى بارلىق ماڭىزدى بيۋجەت قاراجاتتارىن قىسقارتتى دەپ ايىپتادى.
وسىعان وراي كورەياداعى قازاقستان ەلشىلىگى قازاقستاندىقتارعا ۇندەۋ جاسادى.
- كورەيا رەسپۋبليكاسى پرەزيدەنتى يۋن سوك ەلدىڭ اسكەري جاعداي ەنگىزۋىنە بايلانىستى كورەيا رەسپۋبليكاسىندا جۇرگەن قازاقستان ازاماتتارىن سابىرلىلىق ساقتاپ، جەرگىلىكتى بيلىكتىڭ ۇسىنىستارىن ورىنداۋعا جانە كوپشىلىك ءىس-شارالاردان اۋلاق بولۋعا شاقىرامىز، - دەلىنگەن ەلشىلىكتىڭ حابارلاماسىندا.
ەسكە سالساق، قاراشا ايىنىڭ ورتاسىندا سولتۇستىك كورەيا وڭتۇستىك كورەياعا 40 قا جۋىق قوقىس شارىن ۇشىردى.
