كورەيا پارلامەنتى ەلدە اسكەري جاعداي رەجيمىن الىپ تاستاۋدى تالاپ ەتتى
استانا. KAZINFORM - كورەيا رەسپۋبليكاسىنىڭ ۇلتتىق جينالىسى ەل پرەزيدەنتى يۋن سوك ەلدىڭ اسكەري توتەنشە جاعداي رەجيمىن الىپ تاستاۋىن تالاپ ەتتى، دەپ حابارلايدى Yonhap.
وڭتۇستىك كورەيانىڭ كونستيتۋتسياسىنا سايكەس، پارلامەنتتە كوپشىلىك داۋىسقا يە بولعان كەزدە اسكەري جاعداي جويىلۋى كەرەك بولاتىن. الايدا اسكەريلەر پارلامەنتتىك كەشەن اۋماعىنا كىردى.
پارلامەنت كەشەنىنە اسكەريلەر كىرگىزىلدى. كەشەننىڭ سىرتىنا جينالعان كوپ ادام پوليتسيا مەن كۇزەتشىلەرمەن قاقتىعىستى.
بۇعان دەيىن حابارلاعانىمىزداي، وڭتۇستىك كورەيا پرەزيدەنتى يۋن سوك ەل حالقىنا جولداۋ جاساپ، ەلدە اسكەري توتەنشە جاعداي جاريالاعان ەدى.
وسىعان وراي كورەياداعى قازاقستان ەلشىلىگى قازاقستاندىقتارعا ۇندەۋ جاسادى.
