كوركەم گيمناستيكادان ۇلتتىق قۇرامانىڭ باس باپكەرى تاعايىندالدى

قازاقستان گيمناستيكا فەدەراتسياسىنان ءمالىم ەتكەنىندەي، لولا يسلامقۇل قىزى - حالىقارالىق دارەجەدەگى سپورت شەبەرى، الەم چەمپيوناتتارىنىڭ قاتىسۋشىسى جانە 2002 -جىلعى ازيا ويىندارىنىڭ كوماندالىق ەسەبىندە كۇمىس جۇلدەگەرى.

لولا ادىلبەكوۆا باپكەرلىك قىزمەتىن 2010 -جىلى شىمكەنت قالاسىندا باستاعان. سوڭعى جىلدارى ول شىمكەنت قالاسىنىڭ اعا جاتتىقتىرۋشىسى قىزمەتىن اتقاردى. 2018 -جىلى لولاعا «قازاقستاننىڭ ەڭبەك سىڭىرگەن جاتتىقتىرۋشىسى» اتاعى بەرىلدى.

قىزمەت جولىندا لولا ادىلبەكوۆا حالىقارالىق ارەنادا قازاقستان اتىنان ونەر كورسەتكەن ءبىرقاتار تالانتتى سپورتشىلاردى دايىندادى. ولاردىڭ قاتارىندا ازيا چەمپيونى جانە ازيا ويىندارى كوماندالىق جارىسىنىڭ جەڭىمپازى دايانا ابدىربەكوۆا، جاسوسپىرىمدەر اراسىنداعى وليمپيادانىڭ قاتىسۋشىسى روزا ءابيتوۆا بار. سونداي-اق بۇل تىزىمگە جاسوسپىرىمدەر اراسىنداعى الەم چەمپيوناتىنىڭ فيناليسى ەلجانا تانيەۆا، 2023 -جىلعى ازيا ويىندارىنىڭ كوماندالىق جارىسىندا كۇمىس جۇلدەگەر اتانعان جانە جەكەلەي كوپسايىستا قولا مەدال العان ميلانا پارفيلوۆانى قوسۋعا بولادى.

ەسكە سالا كەتەيىك، بۇدان بۇرىن ءاليا يۋسۋپوۆانىڭ كوركەم گيمناستيكادان ۇلتتىق قۇرامانىڭ باس باپكەرى قىزمەتىنەن كەتكەنىن جازعان بولاتىنبىز.

اۆتور

عايساعالي سەيتاق

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى