ەكونوميكالىق ءوسۋ جونىندەگى شتابتا ءىرى ينۆەستيتسيالىق جوبالار قارالدى

ەلدىڭ ەكونوميكالىق ءوسۋىن قامتاماسىز ەتۋ جونىندەگى جەدەل شتابتا پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعاريننىڭ توراعالىعىمەن ەلىمىزدىڭ ءىرى ەنەرگەتيكالىق جانە تەلەكوممۋنيكاتسيالىق وپەراتورلارى «KEGOC» ا ق، «قازاق تەلەكوم» ا ق جانە «سامۇرىق-ەنەرگو» ا ق- نىڭ ينۆەستيتسيالىق جوبالارى قازاقستان ەكونوميكاسىنىڭ جالپى قوسىلعان قۇنىنا (ج ق ق) قوسقان ۇلەسى تۇرعىسىنان قارالدى.

KEGOC: اۋقىمدى ينفراقۇرىلىمدىق جوبالار جانە وتاندىق قامتۋ

«KEGOC» ا ق قازىرگى ۋاقىتتا قازاقستان ب ە ج وڭتۇستىك ايماعىنىڭ ەلەكتر جەلىسىن كۇشەيتۋ جانە باتىس ايماقتى ب ە ج- بەن بىرىكتىرۋ سەكىلدى ەكى نەگىزگى جوبانى ىسكە اسىرۋدا. وسى جوبالار شەڭبەرىندە 2025-جىلى 66,7 ميلليارد تەڭگەنى يگەرۋ جوسپارلانۋدا. قاراجات قۇرىلىس- مونتاجداۋ جۇمىسىنا، جابدىق ساتىپ الۋ مەن جەتكىزۋگە، جوبالاۋ-سمەتالىق قۇجاتتاما ازىرلەۋگە، ت. ب. قىزمەت تۇرىنە جۇمسالادى

KEGOC باسقارما ءتوراعاسى ءنابي ايتجانوۆ اتاپ وتكەندەي، ماتەريال مەن جابدىقتىڭ %92 ىن وتاندىق وندىرۋشىلەر جەتكىزەدى. ال قوسالقى ستانتسيالاردى سالۋ كەزىندەگى جەرگىلىكتى قامتۋ ۇلەسى %64 عا جەتەدى. دەمەك، بۇل جوبالار ەلدىڭ ج ق ق- نا ەلەۋلى ۇلەس قوسىپ وتىر دەگەن ءسوز.

قازاقستاننىڭ ءبىرىڭعاي ەلەكتر ەنەرگەتيكالىق جۇيەسىن ورنىقتى دامىتۋ ءۇشىن «KEGOC» ا ق ۇزاق مەرزىمدى جوبالاردى ىسكە اسىرىپ وتىر. ولاردىڭ ىشىندە جالپى ۇزىندىعى 8568,4 شاقىرىم بولاتىن 220-500 ك ۆ 95 جوعارى ۆولتتى جەلىنى كەزەڭ-كەزەڭىمەن قايتا جاڭارتۋ، قازاقستاننىڭ وڭتۇستىگىندەگى ەلەكتر ەنەرگياسىنا قاجەتتىلىكتى جابۋ مىندەتىن شەشۋگە باعىتتالعان قازاقستان بەج ترانزيتتىك الەۋەتى مەن وتكىزۋ قابىلەتىن ارتتىرۋ جوباسى بار. استانانى ەلەكترمەن جابدىقتاۋدى كۇشەيتۋ، قاراعاندىدا قوسالقى ستانسيا، استانادان قاراعاندىعا دەيىن 500 ك ۆ ج ك سالۋ، قاراعاندى - جەزقازعان - قىزىلوردا - شىمكەنت 500 ك ۆ ج ك، ۇزىندىعى 800 شاقىرىم قاراباتان ق س - بەينەۋ ق س - ماڭعىستاۋ 500 ك ۆ ق س جەلىلەرىن سالۋ ارقىلى باتىس ەنەرگيا تورابىن كۇشەيتۋ.

سوڭعى كەزەڭ 2035-جىلعا دەيىن ەسەپتەلگەن باتىس ايماقتى قازاقستان ب ە ج- مەن بىرىكتىرۋ جونىندەگى جوبا بولماق. ول قازاقستاننىڭ ەنەرگەتيكالىق جۇيەسىن توقايلاستىرىپ، كەلەشەكتە كاۆكاز - ورتالىق ازيا ەنەرگەتيكالىق ءدالىزىن ىسكە اسىرۋ ءۇشىن جاعداي جاساۋعا مۇمكىندىك بەرەدى. جوبا «باتىس-وڭتۇستىك» تۇراقتى توك جەلىسىن سالۋدى كوزدەيدى. بارلىق جوبا جوسپارلى ىسكە اسىرۋ مەرزىمىنەن بۇرىن ورىندالادى.

قازاق تەلەكوم: 5G جانە وڭىرلەردەگى تالشىقتى-وپتيكالىق قۇرىلىس

«قازاق تەلەكوم» ا ق ءتورت ءىرى ينۆەستيتسيالىق جوبانى ىسكە اسىرىپ جاتىر:

- استانادا جاساندى ينتەللەكت، ەلەكتروندىق ۇكىمەت جانە سيفرلىق بيزنەس ينفراقۇرىلىمىنىڭ نەگىزگى ەلەمەنتى، قۇنى 14,28 ميلليارد تەڭگە بولاتىن داتا-ورتالىق سالۋ.

- 2028-جىلعا دەيىن 88 قالا مەن 128 اۋىلدىق ەلدى مەكەندى قامتيتىن FTTH (تالشىقتى- وپتيكالىق قۇرىلىس) جەلىسىن ورنالاستىرۋ. جالپى بيۋجەت - 45,3 ميلليارد تەڭگە.

- قۇنى 65 ميلليارد تەڭگە بولاتىن 5G («كسەل» جوباسى) جەلىسىن كەڭەيتۋ. جوبا IoT، تەلەمەديتسينا جانە اقىلدى قالا تۇجىرىمداماسىن ەنگىزۋ ءۇشىن نەگىز.

- ق ر اۋىلدارىندا 1,5 مىڭ اۋىلدىق مەكتەپتى، 2,1 ميلليون مەملەكەتتىك مەكەمە مەن 60 مىڭنان استام ابونەنتتى قامتيتىن 2028-جىلعا دەيىن قۇنى 175 ميلليارد تەڭگەنى قۇرايتىن ا ە م ت و ب ج 2.0 قۇرىلىسى.

سامۇرىق-ەنەرگو: ەنەرگەتيكالىق ينفراقۇرىلىم سالۋ

«سامۇرىق-ەنەرگو» ا ق 32 ينۆەستيتسيالىق جوبانى ىسكە اسىرۋدا. ونىڭ 14 ءى وتە ءىرى. كومپانيا سونداي-اق قونايەۆ، الاتاۋ قالالارى مەن اگلومەراتسيانى دامىتۋ ءۇشىن الماتى وبلىسىندا ينفراقۇرىلىمدىق وبەكتىلەر سالۋ جوبالارىن قاراستىرىپ وتىر. ىسكە اسىرۋ باستالعان ءىرى جوبالاردىڭ قاتارىندا الماتى ج ە و-2 ءنى جاڭعىرتۋ، الماتى وبلىسىندا ج ە و-3 ءتى قايتا جاڭارتۋ، كوكشەتاۋ، سەمەي، وسكەمەن قالالارىندا ج ە و، قىزىلوردا وبلىسىندا ەلەكتر ستانسياسىن سالۋ، اباي وبلىسىندا گ ە س، ەكىباستۇز گرەس-2 ءنى كەڭەيتۋ جانە قايتا جاڭارتۋ جانە ت. ب. بار.

كەڭەس قورىتىندىسى بويىنشا ۆيتسە-پرەمەر ۇلتتىق ەكونوميكا مينيسترلىگىنە ىسكە اسىرىلىپ جاتقان باستامالاردىڭ اۋقىمىن ەسكەرە وتىرىپ، ولاردى ۇلعايتۋ جونىندەگى ۇسىنىستارمەن 2025-جىلعا ارنالعان بارلىق ءۇش كومپانيانىڭ جوبالارىنان جقق جانە نەگىزگى كاپيتالعا ينۆەستيتسيا بويىنشا ەسەپتەردى دايىنداۋدى تاپسىردى. سونداي-اق كەز كەلگەن ەكونوميكالىق سىن-قاتەر جاعدايىندا تۇراقتىلىقتىڭ نەگىزى رەتىندە ينفراقۇرىلىمدىق جوبالاردى ۋاقتىلى ىسكە اسىرۋ قاجەتتىگىن اتاپ ءوتىپ، جەكەلەگەن كومپانيالاردى قاراۋ قورىتىندىسى بويىنشا شتابتا «سامۇرىق- قازىنا» ۇ ءا ق- نىڭ ەل ەكونوميكاسىنا قوسقان ۇلەسى تۇرعىسىنان ەكونوميكالىق تيىمدىلىگى قارالاتىنىن اتاپ ءوتتى.

بۇعان دەيىن حابارلانعانداي، سەرىك جۇمانعارين بيىل مەملەكەت كەپىلدىگىمەن الىناتىن قارىز كولەمى 1,9 تريلليون تەڭگەگە ۇلعاياتىنىن ايتقان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى