كونفەرەنسيا ليگاسى: «استانا» الماتىدا «چەلسيدەن» جەڭىلىپ قالدى

انگليالىق كلۋب بۇل ويىنعا نەگىزىنەن جاستار قۇرامىن الىپ كەلدى. سوعان قاراماستان لوندوندىق فۋتبولشىلار العاشقى مينۋتتان ەلوردالىق كوماندا قاقپاسى ماڭىندا ءجيى بوي كورسەتتى.

نەبارى ون توعىز جاستاعى شابۋىلشى مارك گيۋ قازاقستاندىق كوماندانىڭ قورعانىس شەبىن ءبىراز اۋرەگە سالدى. ويىننىڭ 14-مينۋتىندا وڭ قاناتتان ەلوردالىق فۋتبولشىلاردى الداپ ءوتىپ، مۇحاممەدجان سەيسەن قورعاعان قاقپادان ساڭىلاۋ تاۋىپ كەتتى.

«چەلسي» كومانداسى بۇل گولدان كەيىن دە باسىلعان جوق. شابۋىلدى ۇدەتە ءتۇستى. سونداي ساتتەردىڭ بىرىندە مارك گيۋ 19-مينۋتتا تاعى ءبىر مارتە مەرگەندىگىمەن كوزگە ءتۇستى. 
ال رەناتۋ ۆەيگا 40-مينۋتتا «چەلسيدىڭ» باسىمدىعىن ارتتىرا تۇسسە، وعان «استانانىڭ» جارتىلاي قورعاۋشىسى مارين توماسوۆ 45-مينۋتتا ءبىر گولمەن جاۋاپ قايىردى.

ايتا كەتسەك، «استانا» ءوز الاڭىندا سەربيالىق «تستس باچكا- توپولا» (1:0) كومانداسىن جەڭسە، پورتۋگاليالىق «ۆيتوريامەن» (1:1) تەڭ ءتۇستى. سىرت الاڭدا ۋەلستىڭ «نيۋ- سەينتس» (0:2)، كيپرلىك «پافوس» (0:1) كلۋبتارىنا ەسە جىبەردى.

قازىرگە دەيىن ءتورت تۋردا «استانانىڭ» ەنشىسىندە 4 ۇپاي بار. تۋرنير كەستەسىندە 23-ورىندا تۇر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى