كومپيۋتەرلىك كلۋبتان 121 ميلليون جىمقىرعان استانالىق سوتتالدى
استانا قالاسىنىڭ قىلمىستىق ىستەر جونىندەگى اۋدانارالىق سوتى ءوزىنىڭ قىزمەتتىك جاعدايىن پايدالانا وتىرىپ، سەنىپ تاپسىرىلعان قاراجاتتى اسا ءىرى مولشەردە تالان-تاراجعا سالعان (ق ك 189-بابى 4-بولىگىنىڭ 2) تارماعى) جانە بىرنەشە رەت الاياقتىق جاسادى (ق ك 190-بابى 3-بولىگىنىڭ 1, 4) تارماقتارى) دەپ ايىپتالعان ب. -عا قاتىستى ءىستى قارادى.
ب. 2020 -جىلعى 1- قازان مەن 2023 -جىلعى 31 - جەلتوقسان ارالىعىندا "ف. " كومپيۋتەرلىك كلۋبتار جەلىسىنىڭ باسقارۋشىسى بولا وتىرىپ، ەلەكتروندىق بانك جۇيەسى ارقىلى ج ك قارجىسىنا رۇقساتى بولا تۇرا، وزىنە جاقىن ادامداردىڭ بانكتىك شوتتارىنا جالپى سوماسى 146,9 ميلليون تەڭگەنى اۋدارعان.
يەسىنە كۇدىك تۋعىزباۋ ءۇشىن ول ۇرلانعان قاراجاتتىڭ 25,1 ميلليون تەڭگە مولشەرىن كومپيۋتەرلىك كلۋبتىڭ كوممۋنالدىق قىزمەتتەرىنە اقى رەتىندە تولەپ، قالعان 121,8 ميلليون تەڭگە سوماسىن ءوز قالاۋى بويىنشا پايدالانعان.
سونىمەن قاتار، ب. , جۇمىس بەرۋشىسى ش. -نىڭ سەنىمىنە كىرىپ، يەسىنىڭ وعان كومپيۋتەرلىك كلۋبتار جۇمىس ىستەيتىن كوممەرتسيالىق ءۇي- جايلاردى جالعا الۋ ءۇشىن اي سايىنعى جالداۋ اقىسىن اۋدارۋ مىندەتتەرىن جۇكتەگەنىن بىلە وتىرىپ، ول اقشالاردى اۋدارماۋعا شەشىم قابىلداعان. وسىلايشا، ول ش. -عا 8,9 ميلليون تەڭگە كولەمىندە زيان كەلتىرگەن.
سونداي- اق، ب. ينتەرنەت- كلۋب قىزمەتكەرلەرىنەن كوممۋنالدىق قىزمەتتەردى تولەۋ، كومپيۋتەرلەردى جوندەۋ جانە باسقا دا شىعىندار سياقتى كلۋبتىڭ قاجەتتىلىكتەرى ءۇشىن الاياقتىق جولمەن اقشا العان.
سوتتالۋشىنىڭ كىناسى جابىرلەنۋشىلەردىڭ، كۋاگەرلەردىڭ ايعاقتارىمەن، ساراپتاما قورىتىندىسىمەن، زاتتاي دالەلدەمەلەرمەن جانە قىلمىستىق ءىس ماتەريالدارىمەن دالەلدەندى.
پروكۋرور باسقارۋشى لاۋازىمداردى اتقارۋ قۇقىعىنان ايىرا وتىرىپ، 8 جىلعا باس بوستاندىعىنان ايىرۋدى سۇرادى. سوتتالۋشى كىناسىن مويىنداماي، ونى ايىپتاۋدىڭ دالەلدەنبەۋىنە بايلانىستى اقتاۋدى سۇرادى.
سانكتسيا:
ق ك 189-بابى 4-بولىگى مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان 10 جىلعا دەيىنگى مەرزىمگە ايىرا وتىرىپ نەمەسە ونسىز، 7 جىلدان 12 جىلعا دەيىنگى مەرزىمگە باس بوستاندىعىنان ايىرۋدى كوزدەيدى؛
ق ك 190-بابى 3-بولىگى مۇلكى تاركىلەنىپ، بەلگىلى بىر لاۋازىمداردى اتقارۋ نەمەسە بەلگىلى بىر قىزمەتپەن اينالىسۋ قۇقىعىنان 6 جىلعا دەيىنگى مەرزىمگە ايىرا وتىرىپ نەمەسە ونسىز، 3 جىلدان 7 -جىلعا دەيىنگى مەرزىمگە باس بوستاندىعىن شەكتەۋ نە ايىرۋدى كوزدەيدى.
سوت قىلمىستىق جاۋاپتىلىق پەن جازانى جەڭىلدەتەتىن ءمان- جايلار رەتىندە كامەلەتكە تولماعان بالانىڭ بولۋىن، زالالدى ءىشىنارا وتەۋىن جانە سوتتىلىعىنىڭ بولماۋىن تانىدى.
اۋىرلاتاتىن ءمان- جايلار انىقتالعان جوق.
سوت ۇكىمىمەن ب. ق ك 189-بابى 4-بولىگىنىڭ 2) تارماعى، 190-بابى 3-بولىگىنىڭ 1, 4) تارماقتارى بويىنشا كىنالى دەپ تانىلىپ، قىلمىستار جيىنتىعى بويىنشا 5 -جىل مەرزىمگە قارجىلىق قىزمەتكە بايلانىستى لاۋازىمداردى اتقارۋ قۇقىعىنان ايىرىلا وتىرىپ، 7 جىلعا باس بوستاندىعىنان ايىرۋعا سوتتالدى.
ازاماتتىق تالاپ قويۋ قاناعاتتاندىرىلدى. ۇكىم زاڭدى كۇشىنە ەنگەن جوق.
Massaget.kz
