كومپوزيتور ارمان قاينازاروۆ قايتىس بولدى

"ول 4- قىركۇيەكتە شاڭىراق شاعىن اۋدانىنداعى كافە ماڭىندا جىگىتتەرمەن توبەلەسىپ قالعان. سول كۇنى جانساقتاۋ بولىمىنە ءتۇستى. كەيىن كوماعا تۇسكەن. 19- قىركۇيەكتە ول قايتىس بولدى"، - دەدى جۋرناليست.

جەلى قولدانۋشىلاردىڭ ءبىرى ونى بەلگىسىز بىرەۋلەردىڭ ۇرىپ كەتكەنىن كورىپ، جەدەل جاردەم شاقىرعانىن جازعان.

ەسكە سالايىق، بۇعان دەيىن الەۋمەتتىك جەلىدە ارمان قاينازاروۆ ەسىمدى جىگىتتىڭ ايانىشتى جاعدايداعى ۆيدەوسى كەڭ تاراعانى حابارلانعان ەدى. ول ءوزىنىڭ قىزىلوردا وبلىسىنان ەكەنىن ايتقان بولاتىن. بۇدان بىرنەشە اي بۇرىن كومپوزيتور كۇتپەگەن مالىمدەمە جاساعان ەدى.

وندا ول ەشقانداي ءانشى وزىنە قارىز ەمەس ەكەنىن ءارى پروديۋسەر ىزدەپ جاتپاعانىن جەتكىزدى.

"قولداۋ كورسەتكەندەرىڭىزگە راقمەت. سوڭعى بولعان جاعدايلاردى ءوز اۋزىمنان ەستىپ- بىلىڭىزدەر. 18-ماۋسىمدا تيمۋر نۇعمان باۋىرىم كوشەدەن تاۋىپ الىپ، ءبىر كۇن قول ۇشىن بەردى. سول ءۇشىن راقمەت. ءبىراق ارتىنان كوپتەگەن جالعان اقپارات تاراتقانى بەلگىلى بولدى. سوڭعى جاعدايعا بايلانىستى "نۋريكامال" اۆتورى مەن ەمەسپىن، جاي ورىنداۋشىمىن. ەشبىر ءانشى ماعان قارىز ەمەس. بارلىق انشىگە ريزامىن. باۋىرلارىم، تۋىستارىم جانىمدا. مەنى ەشكىم رەنجىتكەن جوق، ءوزىم اراققا تاۋەلدى بولعاندىقتان كوشەگە كەتىپ قالىپ ءجۇردىم. وسى ۋاقىتقا دەيىن مەنىڭ اتىمنان اقشا جيناعان جوقپىز. مەنىڭ اتىمنان اقشا جينالىپ جاتسا، سەنبەڭىزدەر. وسى سوڭعى جاعداي وتباسىما، تۋىستارىما وتە اۋىر ءتيىپ جاتىر. سوندىقتان جالعان اقپاراتتاردى جان- جاققا تاراتپاۋلارىڭىزدى سۇرايمىن. ساحناعا شىعۋ جوسپارىمدا جوق، پروديۋسەر ىزدەپ جاتقانىم دا جوق. نيەتتەرىڭىزگە، كوڭىلدەرىڭىزگە راقمەت، - دەگەن ەدى ول.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى