كولىكتىڭ ءنومىرىن جاسىراتىن قۇرىلعىلاردى ساتۋعا تىيىم سالدى
استانا. KAZINFORM - ماسكەۋدىڭ دوروگوميلوۆسكي سوتى سايتتار ارقىلى، سونىڭ ىشىندە Aliexpress ونلاين-ساۋدا پلاتفورماسىندا بەينەباقىلاۋ كامەرالارىنان ماشينا نومىرلەرىن جاسىرۋعا مۇمكىندىك بەرەتىن ارنايى قۇرىلعىلاردى ساتۋعا تىيىم سالدى.
بۇل تۋرالى تاسس سايتى جازدى.
سونىمەن قاتار، ماسكەۋدىڭ دوروگوميلوۆسكي سوتى Tacticalbunker كومپانياسىنىڭ سايتىندا جاريالانعان قاۋىپسىزدىك كامەرالارىنان كولىك نومىرلەرىن جاسىراتىن قۇرىلعىلاردى ساتۋ تۋرالى حابارلاندىرۋدى بۇعاتتاۋ تۋرالى تالاپ قويعانىن ايتتى. ءتيىستى شەشىمدە ايتىلعانداي، قازىر بۇل سايتتاعى حابارلاندىرۋ ەندى ەشكىمگە قول جەتىمدى ەمەس.
سونىمەن قاتار، وقىلمايتىن نەمەسە وزگەرتىلگەن نومىرلەرى بار كولىكپەن جۇرگەندەرگە 500 رۋبلگە دەيىن ايىپپۇل قاراستىرىلعان. وسىعان بايلانىستى سوت ينتەرنەتتە اۆتوكولىك نومىرلەرىن بەينەكامەرالاردان جاسىراتىن قۇرىلعىلاردى ساتۋ تۋرالى حابارلاندىرۋلاردى جاريالاۋدى زاڭسىز دەپ تاپتى.
