كولىككە تاۋدان تاس قۇلاپ، 3 جولاۋشى كوز جۇمدى
تاشكەنت. KAZINFORM - وزبەكستاننىڭ تاحتاكاراچا اسۋىندا تاۋدان قۇلاعان تاس Chevrolet Cobalt كولىگىن باسىپ قالىپ، سالدارىنان ءۇش ادام كوز جۇمدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
جول قوزعالىسى قاۋىپسىزدىگى قىزمەتىنىڭ مالىمەتىنشە، قايعىلى وقيعا 6-قاراشا كۇنى قاشقاداريا وبلىسىندا بولعان.
«اپاتقا بايلانىستى سامارقان مەن قاشقاداريا وبلىستارىن بايلانىستىرىپ جاتقان م-39 تاس جولىنىڭ 1138- شاقىرىمى ۋاقىتشا جابىلدى»، - دەپ ءمالىم ەتتى ۆەدومستۆودان.
ەسكە سالا كەتەيىك، بيىل 9 ايدىڭ ىشىندە قازاقستاندا 19 مىڭنان استام جول-كولىك وقيعاسى بولىپ، سالدارىنان 26703 ادام زارداپ شەككەن ەدى.
اۆتور
ءاليحان اسقار
