كولىك نومىرىندەگى ساندار ءوشىپ قالسا، ونى بوياپ قويۋعا بولا ما؟
استانا. KAZINFORM - كەيدە ۋاقىتتىڭ نەمەسە سىرتقى ورتا اسەرىنەن مەملەكەتتىك تىركەۋ نومىرلەرىندەگى سيفرلار ءوشىپ كەتەدى.
كەيبىرەۋلەر بۇل ماسەلەنى ءوز بەتىمەن شەشىپ، ءوشىپ كەتكەن سيمۆولداردى قايتا بوياپ قويۋدى ۇيعارادى. بۇل ماسەلەنى ءوز بەتىمەن شەشۋگە بولا ما جانە ول ءۇشىن ايىپپۇل سالىنباي ما؟
بۇل سۇراققا اكىمشىلىك پوليتسيا كوميتەتى Tengri Auto- عا جاۋاپ بەردى.
اكىمشىلىك پوليتسيا كوميتەتىنىڭ مالىمەتىنشە، مۇنداي ارەكەتتەر زاڭنامانى بۇزۋ بولىپ سانالادى.
ۆەدومستۆونىڭ ءتۇسىندىرۋى بويىنشا مەملەكەتتىك نومىرلەر تەحنيكالىق رەگلامەنتتەر مەن مەملەكەتتىك ستاندارتتارعا سايكەس جاسالادى. ولاردى وندىرۋدە ارنايى بوياۋلار قولدانىلادى، بۇل بوياۋلار جارىق شاعىلىستىرۋدى جانە اسىرەسە تۇنگى ۋاقىتتا جاقسى كورىنۋ مۇمكىندىگىن قامتاماسىز ەتەدى. ءنومىردىڭ جابىنىنا ءوز بەتىمەن وزگەرىستەر ەنگىزۋ وسى ستاندارتتاردى بۇزادى.
«سيفرلاردى نەمەسە ءنومىردىڭ كەز كەلگەن ەلەمەنتتەرىن ءوز بەتىنشە بوياۋ اكىمشىلىك قۇقىقبۇزۋشىلىق بولىپ تابىلادى، وعان ايىپپۇل قاراستىرىلعان»، - دەدى پوليتسيا وكىلدەرى.
ەگەر ءنومىردىڭ وقىلۋى جوعالعان بولسا، جۇرگىزۋشىلەر ارنايى ح ق ك و- عا بارىپ، ونى قايتا شىعارۋى قاجەت. تەك وسىلاي مەملەكەتتىك ستاندارتتاردى ساقتاپ، ايىپپۇلدان قورعانۋعا بولادى.
ەسكە سالايىق، بۇعان دەيىن كولىككە ارنالعان «ادەمى» نومىرلەر قانشا تۇراتىنىن جازعان بولاتىنبىز.
